Երևան, սեպտեմբերի 21. Ձեռնածուներ և արքաներ, Հայաստանի պատմությունը և 3D շոու` մայրաքաղաքում սրտանց նշեցին Անկախության օրը 22 սեպտեմբերի 2011 - 19:21 AMT PanARMENIAN.Net - 2011թ. սեպտեմբերի 21: Հայ ժողովուրդն առաջին անգամ Հայաստանի անկախությունն ու Երևանի 2793-ամյակը տոնեց անկեղծ ցնծությամբ: Քաղաքի բնակիչները վաղուց նման տոն չէին տեսել: Միջոցառումները տեղի էին ունենում Հայաստանի մայրաքաղաքի բոլոր կենտրոնական փողոցներում: Ազատության հրապարակից մինչև Հանրապետության հրապարակ մարդիկ քայլում էին, կարելի է ասել, ժամանակային տարածությունների միջով: Հյուսիսային պողոտայում երևանցիներն ու մայրաքաղաքի հյուրերը հանդիպում էին ձեռնածուների, արտիստների, նկարիչների հետ, ինչպես նաև հայկական գահակալ արքաներին, որոնք ընդունում էին հյուրերին: Այդ ամենը ուղեկցվում էր երաժշտությամբ` դասականից մինչև ռոք, մանկական ելույթներից մինչև ռեգգի: Մինչ Ազատության հրապարակում ելույթ էին ունենում Dorians-ը, Reincarnation-ը, Արտո Թունչբոյաջյանը, Հյուսիսային պողոտայում ազգագրական երգեր էին կատարում, իսկ Հանրապետության հրապարակն այդ միջոցին պատրաստվում էր փառահեղ համերգին, որը պետք է 3D-գրաֆիկայով ուղեկցվեր: Երեկոյան շոուն աննախադեպ էր. մեկուկես ժամ շարունակ հանդիսատեսը ոչ միայն վայելում էր ֆիլհարմոնիկ նվագախմբի ելույթը, այլև «անցնում» Հայաստանի պատմության միջով, նման բան Երևանը դեռ չէր տեսել: Այդ թվում բազմաթիվ արտասահմանյան զբոսաշրջիկներ, որոնք դեռևս առավոտյան ոչ պակաս փառահեղ զորահանդեսի տպավորության տակ էին, խոստովանում էին, որ թե' համերգը, թե' շոուն ամենաբարձր մակարդակով էին կազմակերպված, և որ իրենք «առաջին անգամ էին նման բան տեսնում»: Սակայն, չնայած համերգի ողջ օրիգինալությանը, կազմակերպիչները թերացել էին մի բանում. չէին հաշվարկել այդ համերգը տեսնել ցանկացողների հսկայական քանակը: Հանրապետության հրապարակ շարժվող մարդիկ այնքան շատ էին, որ Սախարովի հրապարակից հետո քաղաքի գլխավոր հրապարակին անհնար էր մոտենալ: Այնուամենայնիվ, երևանցիները, «ըստ ավանդույթի», համառորեն առաջ էին շարժվում, ինչի արդյունքում հրապարակ ոչ միայն մտնելը, այլև դուրս գալը անհնար էր դարձել: Բայց անգամ դա չխանգարեց երևանցիներին սրտանց նշել Հայաստանի Հանրապետության անկախության 20-ամյակն ու Երևանի ծնունդը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |