 Հայ կանանց շրջանում աճել են տնային պայմաններում արհեստական վիժեցումների դեպքերը  23 նոյեմբերի 2011 - 15:00 AMTPanARMENIAN.Net - Հայ կանանց շրջանում հաճախակի են դարձել տնային պայմաններում արհեստական վիժեցումների դեպքերը: Ինչպես Երևանում կայացած մամլո ասուլիսում հայտարարեց գինեկոլոգ ուռուցքաբան Վահե Տեր-Մինասյանը, հայ կանանց շրջանում վտանգավոր միտում է նկատվում՝ դեղորայքային արհեստական վիժեցում տնային պայմաններում, առանց բժշկի հետ խորհրդակցության: Նա նշել է, որ այսօր դեղատներում վաճառվում են հղիության ընդհատմանը նպաստող դեղեր, որոնց կիրառումը սակայն կարող է վտանգավոր հետևանքներ ունենալ: Ըստ նրա, այդ դեղամիջոցները կարելի է ընդունել միայն բժշկի կողմից նշանակված լինելու դեպքում: Հարկ է նշել, որ, մասնավորապես, կանայք փորձում են արհեստական վիժեցում առաջացնել «Սայտոտեկ» դեղամիջոցի օգնությամբ, որն իրականում նախատեսված չէ հղիության ընդհատման համար և շատ վտանգավոր է այդ նպատակով կիրառելու դեպքում: Իր հերթին Ջրվեժի Սբ Կաթողիկե եկեղեցու քահանա, Կոտայքի թեմի հոգևոր հովիվ Կյուրեղ Թալյանն ասաց, որ հղիության արհեստական ընդհատումը հավասարազոր է սպանության: «Ես կասեի, որ դա սպանությունից էլ վատ է, քանի որ կատարվում է անմեղ էակի դեմ»,-ասել է նա: Նա նշել է նաև, որ ժամանակն է, որ եկեղեցին հայտնի իր դիրքորոշումը տարբեր հարցերի, այդ թվում վիժեցումների վերաբերյալ:  Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Վերջին լուրեր Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել  Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր»ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում ենԿիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ |
