Ֆելիքս Շտուրմը կպայքարի աշխարհի չեմպիոնի տիտղոսի համար հայ բռնցքամարտիկ Խորեն Գեւորի դեմ

PanARMENIAN.Net - Universum Box-Promotion պրոմոուտերական ընկերությունը պաշտոնապես հայտարարել է այն մասին, որ միջին քաշային կարգում WBA վարկածով աշխարհի չեմպիոն, գերմանացի բռնցքամարտիկ Ֆելիքս Շտուրմն (32-2-1, 14 KO) իր կոչումը պաշտպանելու համար հաջորդ մենամարտը կանցկացնի հուլիսի 11-ին Նյուրնբերգում (Գերմանիա )` իր Universum նույն ակումբի անդամ, միջին քաշային կարգում Եվրոպայի չեմպիոն Խորեն Գեւորի (30-3-0, 16 KO) դեմ: Մենամարտը տեղի կունենա նոր «Ring Arena»-ում, որը գտնվում է «Նյուրբուրգրինգ» նշանավոր ավտոդրոմում: Շտուրմի մասնակցությամբ բռնցքամարտի շոուն տեղի կունենա Գերմանիայի Ֆորմուլա-1 Գրան-պրիի շրջանակներում:

29-ամյա հայ բռնցքամարտիկ Խորեն Գեւորը 2008 թվականի դեկտեմբերին Ֆինլանդիայի մայրաքաղաք Հելսինկիում նվաճել է միջին քաշային կարգում Եվրոպայի չեմպիոնի թափուր տեղը` յոթերորդ ռաունդում տեխնիկական նոկաուտով հաղթելով տեղացի բռնցքամարտիկ եւ նախկինում այդ տիտղոսը կրող Ամինա Ասիկայնենային:

Սակայն, մինչ այդ, 2007 թվականին Գեւորն արդեն փորձում էր նվաճել միջին քաշային կարգում աշխարհի չեմպիոնի տիտղոսը, սակայն նրա հակառակորդն ու հայրենակիցը` IBFչեմպիոն Արթուր Աբրահամն ավելի ուղեժ դուրս եկավ` 11-րդ ռաունդում նոկաուտի ենթարկելով չեմպիոնի տիտղոսի թեկնածուին:

Իսկ Շտուրմը հաջողությամբ պաշտպանել է իր տիտղոսը 2009 թվականի մարտի 25-ին Ճապոնիայից 28-ամյա Կոձի Սատոի դեմ մենամարտում:
 Ուշագրավ
Երկամարտի 464 կգ արդյունքով դարձել Մինասյանը դարձել է Եվրոպայի փոխչեմպիոն
Ծանրամարտիկի խոսքով՝ չի ուզում, որ իրեն որպես որակազրկված մարզուհի հիշեն
Աղյուսակի առաջին հորիզոնականը զբաղեցնում է աշխարհի առաջնության գործող բրոնզե մեդալակիր Բելգիան