Հայաստանի թեթեւ ատլետները նախապատրաստվում են Եվրոպայի թիմային առաջնությանը

PanARMENIAN.Net - Թեթեւ ատլետիկայի Հայաստանի հավաքականը հունիսի 3-ից 16-ը Ծաղկաձորում ուսումնամարզական հավաք կանցկացնի: Հավաքականի գլխավոր մարզիչ Միշա Հայրապետյանի խոսքերով, հավաքականի կազմում ընդգրկվել է 22 մարզիկ, սակայն դա քիչ է բոլոր մարզաձեւերում ներկայացուցիչ ունենալու համար:



«Սկզբում մենք ծրագրում էինք մոտավորապես 20 մարզիկ հայտագրել Եվրոպայի առաջնությանը մասնակցելու, սակայն ոմանց չհասցրեցինք նախապատրաստել որոշակի մարզաձեւերում ելույթ ունենալու համար», - ասել է Հայրապետյանը:



Եվրոպայի առաջին թիմային առաջնությունում կներկայացնի տղամարդկանց (12 մարզիկ) եւ կանանց (10 մարզիկ) թիմերը:



Թեթեւ ատլետիկայի Եվրոպայի թիմային առաջնության հավաքականի կազմը.





Կանանց թիմը.



Անի Խաչիկյան (2009-Հայաստանի չեմպիոն)- սպրինտ, էստաֆետա

Գայանե Բուլգադարյան (2009-Հայաստանի չեմպիոն)- 400 մ վազք

Ամալյա Շարոյան (2009-Հայաստանի չեմպիոն)- 400 մ վազք, էստաֆետա

Վալյա Ավագյան (2009-Հայաստանի չեմպիոն)- 3000 եւ 5000 մ վազք

Հայկանուշ Բեգլարյան (2009-Հայաստանի չեմպիոն)- եռացատկ, հեռացատկ

Հեղինե Արզումանյանը (2009-Հայաստանի չեմպիոն)- գնդի հրում, սկավառակի նետում

Քրիստինե Հարությունյան (2009-Հայաստանի չեմպիոն)- նիզակի նետում

Լիլիթ Մանուչարյան- 800 մ բարձրության ցատկում, էստաֆետային վազքեր

Աննա Քոչինյան- էստաֆետա

Մելինե Չվչյան- մուրճի նետում



Մարզիչ` Գոհար Նազարյան:





Տղամարդկանց թիմ.



Արման Անդրեասյան (2009-Հայաստանի չեմպիոն)- 100 եւ 200 մ վազք, էստաֆետա

Արամ Դավթյան (2009-Հայաստանի չեմպիոն)- 400 եւ 800 մ վազք, էստաֆետա

Սեւակ Եգինյան (2009-Հայաստանի չեմպիոն)- 1500 մ վազք

Գեւորգ Վարդանյան (2009-Հայաստանի չեմպիոն)- 110 եւ 400 մ պատնեշավազք, էստաֆետա

Արսեն Սարգսյան- հեռացատկ

Աշոտ Հայրապետյան- 3000 մետր խոչընդոտավազք

Վիլեն Վարդանով - էստաֆետա

Մելիք Ջանոյան - նիզակի նետում

Սոս Մելիքսեթյան- գնդի հրում, սկավառակի նետում, մուրճի նետում

Էդգար Սերոբյան- բարձրության ցատկում, էստաֆետա

Տարոն Խաչատրյան- էստաֆետա

Վարդան Փահլեւանյան- եռացատկ



Մարզիչ` Տիգրան Եղիկյան: