Երեք տարի առաջ համաշխարհային կինոյի պատմության մեջ մեծ իրադարձություն տեղի ունեցավ. ամերիկյան Walt Disney Company մեդիահսկան մեծ գումարով` 4,05 մլրդ դոլարով, ձեռք բերեց Ջորջ Լուկասի Lucasfilm կինոընկերությունը: Առանցքային լոտը լեգենդար «Աստղային պատերազմներ» պատումն էր, որի վերջին մասը հայտնվել էր էկրանին 2005-ին: Disney ստուդիան միանգամից հայտարարեց, որ մտադիր է շարունակել Ուժի լուսավոր և մութ կողմերի դիմակայության պատմությունն`առաջացնելով պատումի միլիոնավոր երկրպագուների ցասումն ու նույնիսկ ատելությունը: Կինոգետների, թերևս հասարակ հանդիսատեսի համար էլ, ակնհայտ էր, որ ընկերությունը կանի ամեն ինչ ոչ միայն ծախսած գումարը վերադարձնելու, այլ նաև առավելագույն շահույթը ստանալու համար հայտնի «կինոաշխարհի» շահագործումից: Բարեբախտաբար, ընկերության ղեկավարները այնքան խելացի գտնվեցին, որ որպես բեմադրիչ հրավիրեցին Ջեյ Ջեյ Աբրամսին` սագայի վաղեմի երկրպագուին և լավ պատմիչի զարմանալի ունակությամբ այդ մարդուն:

Երևանի կինոթատրոններում մեկնարկել է Սթիվեն Սփիլբերգի «Լրտեսական կամուրջ» նոր պատմական դրաման: Նոր նախագծի անշտապ որոնումների արդյունքում և վերջին «Լինքոլն» ֆիլմի պրեմիերայից 3 տարի անց, 68-ամյա ռեժիսորը կրկին վերադարձել է համաշխարհային պատմությանն ու ռազմական թեմային: Սակայն, այս անգամ առճակատմանը սովորական զինվորներն ու նրանց հրամանատարները չեն մասնակցում` նոր ֆիլմում ներկայացված պատերազմը ծավալվում է մարդկանց ուղեղներում և արաքներում, որոնք գիտակցում են մարդկության պատմության մեջ վերջին մոտալուտ դիմակայությունը: Համաշխարհային կինեմատոգրաֆի դասականին հաջողվել է գործնականում իդեալականին մոտ վերարտադրել պոտենցիալ միջուկային պատերազմի դարաշրջանը:

Երևանի կինոթատրոններում նոյեմբերի 19-ին մեկնարկում է ամերիկուհի գրող Սյուզեն Քոլինզի պատումի էկրանավորման եզրափակիչ մասը: «Ճայ-Ծաղրասարյակը», ամենևին ոչ հանուն հանդիսատեսի, այլ մեծ շահույթ ստանալու ակնկալիքով, որոշվեց կիսել 2 մասի: Հաշվի առնելով վեպի առանձնահատկությունը, անցյալ տարի էկրաններ բարձրացած ` «Քաղցած խաղեր. Ճայ-Ծաղրասարյակը. Մաս 1» երկար վերնագրով առաջին մասը, անհամ էր ու ձանձրալի: Գրքի «ամենայուղալի» մասը պրոդյուսերները պահել էին եզրափակիչ մասի համար` սակայն Քիթնիս Էվերդինի ղեկավարությամբ ազատ մարդկանց և աշխարհի հզորների ճակատամարտն ավելի շուտ գործողության ու դրամայի անկապ հավաքածու է հիշեցնում, քան ամբողջական ֆիլմ:

Ամերիկյան Netflix-ը, որը հոսքային մուլտիմեդիայի միջոցով ֆիլմեր և սերիալներ ներկայացնող ընկերություն է, որոշել է համարձակ և ռիսկային էքսպերիմենտի գնալ: Որպես հիմք ընդունելով ամերիկաբնակ նիգերացի գրող Ուզոդինմա Իվեալայի առաջին վեպը և որպես բեմադրիչ հրավիրելով հայտնի ռեժիսոր Քերի Ֆուկունագուին, ընկերությունը ներկայացրել է Աֆրիկայի արևմուտքում քաղաքացիական պատերազմի մասին պատմող լիամետրաժ կինոնկար: «Անտոհմ գազաններ» (Beasts of No Nation) ֆիլմը կինոթատրոնների էկրաններին չի հայտնվի, այն ցուցադրվելու է հոսքային տեսածառայության միջոցով: Նման մոտեցումը տուրք չէ միայն կինոինդուստրիայում գլոբալ փոփոխություններին: Սա խորապես անձնական և ողբերգական կինոնկար է, որը լրահոսի պես, իր վավերագրականությունն ու համոզիչ լինելը բացահայտում է հենց հեռուստատեսային էկրանի միջոց

Մեծ ռեժիսոր Ռոբերտ Զեմեկիսը եզակի տաղանդ ունի` վերածել պարզունակ, առաջին հայացքից սովորական մարդկանց մասին պատմությունը մի պատումի, որից անհնար է կտրվել: Լեգենդար «Ֆորեսթ Գամփը» ռեժիսորի ստեղծագործական ուղու գագաթնակետը դարձավ, ձևի և բովանդակության մի մեծ էքսպերիմենտը, որը մարդկային սովորական պատմությունը վերածեց հոգեցունց դրամայի: «Կինեմատոգրաֆիկ» մուլտֆիլմերի ստեղծման ասպարեզում նորագույն տեխնոլոգիաներով երկար տարիներ աշխատելուց և ձախողվելուց հետո, Զեմեկիսը վերադարձավ մեծ կինո: 2012-ին «Անձնակազմ» ֆիլմը հաստատեց, որ ռեժիսորը մտադիր է նախընտրած գործով զբաղվել: «Զբոսանքը», որը կինոթատրոնների էկրաններ բարձրացավ սեպտեմբերի 30-ին, միանշանակ նրա հերթական մեծ հաջողությունը կարելի է համարել:

Երևանի կինոթատրոններում արդեն ցուցադրվում է Ջորջ Միլլերի «Խենթ Մաքսը. Ցասման ճանապարհ» երկար սպասված ֆիլմը: Կինոնկարն արդեն աղմուկ է հանել կինոհանրության շրջանում` քննադատների մեծ մասը դիտումից անմիջապես հետո հիացական գրախոսականներ գրեց` անվանելով այն «տարվա ֆիլմ», «եզակի գործ» և նույնիսկ «նոր դարաշրջանի բլոկբաստեր»: Ստորև ներկայացնում եմ տպավորություններս ֆիլմից: