Միխաիլ Մեյեր.Հայաստանը խաղաքարտ էր դարձել բոլշեւիկների եւ անգլիացիների նավթային խաղում 1 ապրիլի 2006 PanARMENIAN.Net - Գրեթե մեկ դարի վաղեմության իրադարձությունները մինչ այժմ գրավում են պատմաբանների ուշադրությունը: Հնչում են 20-դարի սկզբին Օսմանյան Թուրքիայում, Խորհրդային Ռուսաստանում եւ Հայաստանում կատարվածի տարբեր վարկածներ: Շատ հնարավոր է, որ տարածաշրջանի քարտեզը կարող էր միանգամայն այլ լինել: PanARMENIAN.Net-ը մեկնաբանություններ ստանալու ակնկալիքով դիմել է հայտնի ռուսաստանցի թուրքաբան, Ասիայի եւ Աֆրիկայի երկրների ինստիտուտի տնօրեն, ՄՊՀ պրոֆեսոր Միխաիլ Մեյերին: Գոյություն ունեն 1915 թվականին Օսմանյան Թուրքիայում կատարված Հայոց ցեղասպանության բազում վարկածներ: Ո՞վ էր կանգնած երիտթուրքերի կառավարության մեջքին: Առաջին աշխարհամարտի ժամանակ Օսմանյան Թուրքիայում հայերի տեղահանման նախաձեռնողն եղել է կայզերական Գերմանիան: Դա արվել է Անտանտի ուշադրությունն Արեւմտյան ճակատից, որտեղ Գերմանիան պարտություն էր կրում, շեղելու համար: «1915 թվականին իրավիճակը Թուրքիայի արեւելյան վիլայեթների հայ բնակչության օգտին չէր: Մի կողմից` քրդերն ու չերքեսները, որոնք արտաքսում էին հայերին գյուղերից, մյուս կողմից` երիտթուրքերի կառավարության քաղաքականությունը, որը հորդորում էր այդ արտաքսումը եւ մեղադրում հայերին ռուսամետ կողմնորոշման համար: Այս ամենը պատճառ հանդիսացավ Արեւմտյան Հայաստանի բնակչության կեսի զանգվածային արտաքսման եւ ոչնչացման համար: Եթե երիտթուրքերը ցանկանային ընդհանրապես ոչնչացնել հայ ազգը, ապա նրանք ոչ մի հայ չէին թողնի Ստամբուլում, Իզմիրում եւ Արեւմտայն Անատոլիայի մյուս խոշոր քաղաքներում: Սակայն հայեր այնտեղ մնացին, ճիշտ է մտավորականությունից բացի, որն իրոք ոչնչացվեց: Եթե դատենք ըստ արխիվային նյութերի, ապա ռուսամետության համար հայերին ուղղված մեղադրանքներն, մեղմ ասած, չափազանցված են: Հայ բնակչության հիմնական մասը բնակվում էր գյուղերում եւ բավականին օրինապաշտ էր: Հայկական ջոկատների մասնակցությունը Կովկասյան ճակատին ռուսական բանակի կազմում մեծ չի եղել` իմ հաշվարկներով հայերի թիվը կազմել է շուրջ 3 հազար հոգի: Համաձայնեք, որ սա այն թիվը չէ, որով կարելի է պատճառաբանել ռուսամետությունը: Այնուամենայնիվ, 1915 թվականի իրադարձությունները Հայոց ցեղասպանություն էին: 20 դարի սկզբին ուղղակի չկար «ցեղասպանություն» տերմինը, բայց որ դա ցեղասպանություն է եղել, ոչ մի կասկած չկա: Բանը թվերը չեն, այլ փաստն ինքնին: Եթե հիշաում եք, 1919 թվականին Սատմբուլում սկսվեց Անտանտի կողմից կազմակերպված երիտթուրքերի կառավարության դեմ դատավարությունը: Այնտեղ առաջին անգամ հնչեցին մի ողջ ազգ արտաքսելու եւ ոչնչացնելու վերաբերյալ մեղադրանքները: Սակայն պատժվեցին երկրորդական պաշտոնյաները, ուղղակի կատարողները: Հնարավո՞ր է արդյոք ներկայումս գրել Առաջին աշխարհամարտի շրջանի օբյեկտիվ պատմությունը, հիմնվելով արխիվային փաստաթղթերի վրա: Օսմանյան Թուրքիայում 1915-1923 թվականների օբյեկտիվ պատմությունը գրել հնարավոր է: Սակայն բանը սպանված եւ տեղահանված հայերի քանակը չէ, այլ այն, որ ոչնչացվեց Արեւմտյան Հայաստանի բնակչության գրեթե կեսը: Ոչնչացվեց ազգի գենոֆոնդը: Թուրքիան պետք է վերանայի իր վերաբերմունքը Հայոց ցեղասպանության հանդեպ: Այդ գործընթացի ձգձգումը բացասական հետեւանքներ կունենա երկրի համար: Թուրքիային վախեցնում են ոչ այնքան տարածքային նկրտումները Հայաստանի կողմից, որքան նյութական եւ բարոյական վնասի հատուցումը: Ոչ մի տնտեսություն չի դիմանա նման փոխհատուցման: Պետք է նշեմ, որ Թուրքիայի ազատականացման գործընթացը Եվրամիության անդամակցության ճանապարհին այնքան էլ արագ չի ընթանում: Ես կարծում եմ, ոչ ԵՄ-ն այնուամենայնիվ որպես ԵՄ անդամակցության պայման կդնի Թուրքիայի առջեւ նաեջ Հայոց ցեղասպանության փաստի ճանաչումը: ԵՄ ներկայացուցիչներին պետք է տանել Ցեղասպանության թանգարան, որպեսզի նրանք տեսնեն, թե ինչէ կատարվել իրականում 1915 թվականին: Հին Ջուղայի (Նախիջեւան) հայկական գերեզմանատան ոչնչացմանն արձագանքեց գրեթե ողջ համաշխարահային հանրությունը: Չգիտես ինչու Ռուսաստանը պատշաճ ձեւով իր վերաբերմունքը չհայտնեց, չնայած, որ մեր երկրները ռազմավարական դաշնակիցներ են: Մշակույթի հուշարձանների ցանկացած ավերում վանդալիզմ է: Հին Ջուղայի հայկական գերեմանոցը համամարդկային ժառանգություն է եւ ադրբեջանական իշխանությունների գործողությունները չեն կարող արդարացվել: Պատմությունը չի կարելի արտագրել: Ես լավ չգիտեմ մանրամասները, սակայն համոզված եմ, որ կան պատմական վկայություններ, ձեռագրեր, որոնք հաստատում են այն փաստը, որ հայերը միշտ ապրել են Նախիջեւանում: Ինչ վերաբերում է հարցի երկրորդ մասին, ապա այժմ ՌԴ նախագահի աշխատակազմը մտադիր է վերանայել իր կուրսը Հայաստանի հետ հարաբերություններում: Հարաբերությունները ռազմավարական գործընկերոջ հետ, որպիսին Ռուսաստանի համար Հայաստանն է, պետք է ավելի սերտ լինեն: Վերջին 10-15 տարիների ընթացքում գիտական եւ մշակութային կապերի բացակայությունը մեր երկրների միջեւ բացասաբար է անդրադարձել մեր հարաբերությունների վրա: ԽՍՀՄ փլուզումից հետո Ռուսաստանի համար շատ անշահավետ իրավիճակ ստեղծվեց` նա չունի մասնագետներ ԱՊՀ երկրների գծով: Այժմ իրավիճակը շտկվում է` մենք բացում ենք հայագիտության բաժանմունք, որը շատ է հարկավոր Ռուսաստանին, սակայն բավարար չէ հայոց լեզվի մասնագետների քանակը, առավել եւս գրաբարի: Մոսկովյան պայմանագրի ստորագրումից անցել է 85 տարի: Ինչպե՞ս ստացվեց, որ Հայաստանից մնաց ընդամենը 29 հազար ք.կմ: Մոսկովյան պայմանագրի սկզբնական պլանը Հայաստանի մասով շատ ավելի քիչ զիջումներ էր նախատեսում Թուրքիային: Խորհրդային Ռուսաստանի արտաքին գործերի ժողովրդական կոմիսար Գեորգի Չիչերինը առաջարկեց Հայաստանին թողնել Արեւմտայն Հայաստանի տարածքը` ներառյալ Մուշն ու Կարսը: Սակայն գործին խանգարեց նավթի գործոնը: Բաքու-Աստրախան փոխադրումների ուղին պահպանելու համար բոլշեւիկները ամեն ինչի էին պատրաստ: Դաշինքը քեմալիստական Թուրքիայի հետ արեւմտամետ տրամադրված Հայաստանի դեմ շահավետ էր եւ բոլշեւիկներին, եւ թուրքերին, որոնք ահռելի քանակությամբ զենք ու ոսկի ստացան: Հայաստանը, ցավոք, խաղաքարտ դարձավ մեծ նավթային խաղում: Բոլշեւիկները առաջնորդվում էին հետեւյալ սկզբունքով. Բաքուն ստանալու համար կարելի է զոհաբերել ամեն ինչ: Մոսկովյան պայմանագրի ստորագրման իսկական ամսաթիվը ոչ թե մարտի 16-ն է, այլ` 18-ը: Մարտի 18-ի երեկոյան կողմերը վերջնականապես ձեւակերպեցին պայմանագրի կետերը, որով Հայաստանից անջատվեց նրա մեծ մասը: | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |