  Սերժ Սմեսսով.Ֆրանսիան Հայաստանի բարեկամը կմնա նաեւ նոր նախագահի օրոք 2 հուլիսի 2007 PanARMENIAN.Net - Հարաբերությունները Հայաստանի եւ Ֆրանսիայի միջեւ միշտ բարեկամական են եղել: Ֆրանսիան առաջիններից մեկն էր, որ ճանաչեց Հայաստանի անկախությունը եւ դիվանագիտական հարաբերություններ հաստատեց նրա հետ: 15 տարվա ընթացքում համագործակցությունը երկրների միջեւ ամրացավ եւ խորացավ: Ֆրանսիան ԵԱՀԿ ղարաբաղյան հակամարտության կարգավորման գծով Մինսկի խմբի համանախագահն է եւ, ինչպես եւ Հայաստանը, շահագրգիռ է, որ խնդիրը խաղաղ լուծում ստանա: Հայ-ֆրանսիական հարաբերությունների ներկայիս վիճակի եւ դրանց զարգացման հեռանկարների մասին PanARMENIAN.Net-ին է պատմում Երեւանում Ֆրանսիայի դեսպան Սերժ Սմեսսովը: Ի՞նչ մակարդակի վրա են հայ-ֆրանսիական քաղաքական հարաբերությունները եւ որո՞նք են դրանց զարգացման հեռանկարները: Ֆրանսիայի եւ Հայաստանի միջեւ եղած կապերի մակարդակից կարելի է միայն գոհունակություն հայտնել: Դրա ապացույցը մասնավորապես անցյալ տարվա աշնանը նախագահ Ժակ Շիրակի` Երեւան եւ այս տարվա փետրվարին նախագահ Քոչարյանի Փարիզ կատարած այցերն են: Մեր կապերը չեն սահմանափակվում միայն երկու երկրների գործադիր իշխանությունների միջեւ եղած շփումներով: Դրանք նաեւ զարգացած են օրենսդիր մարմինների մակարդակով (Ազգային ժողովների եւ ԱԺ- Սենատ մակարդակով): Հարկ է նաեւ նշել շրջանների մակարդակով ղեկավար մարմինների եւ ֆրանսիական ու հայկական քաղաքապետերի կարեւոր դերակատարությունը: Ֆրանսիայում նոր նախագահ է ընտրվել: Կանդրադառնա արդյո՞ք Նիկոլյա Սարկոզիի քաղաքականությունը Հայաստանի եւ Ֆրանսիայի հարաբերությունների վրա: Կարելի է առանց այլեւայլության հաստատել, որ Հայաստանի նկատմամբ Ֆրանսիայի որդեգրած բարեկամության ավանդական քաղաքականությունը կշարունակվի Հանրապետության նոր նախագահի կողմից: Մեր բարեկամության հիմքերն ամուր են եւ ներգրված տեւականության մեջ: Ֆրանսիայի եւ անկախ Հայաստանի միջեւ դիվանագիտական հարաբերությունների հաստատումից ի վեր լուրջ ուղղվածությունը միտված է մեր երկու երկրների կապերի խորացմանը, դիվերսիֆիկացիային եւ հարստացմանը: Ֆրանսիան ԵԱՀԿ ղարաբաղյան հակամարտության կարգավորման գծով ՄԽ համանախագահն է: Ինչպե՞ս եք գնահատում հակամարտության կարգավորման ներկա փուլը: Ինչպես գիտեք, Մինսկի խմբի ֆրանսիացի համանախագահն աշխատում է իր ամերիկացի եւ ռուս գործընկերների հետ Լեռնային Ղարաբաղի հակամարտության կարգավորմանն ուղղված փոխզիջման ճանապարհներ որոնելու ուղղությամբ: Սանկտ-Պետերբուրգի գագաթաժողովի շրջանակներում Հայաստանի եւ Ադրբեջանի նախագահների հանդիպումը հնարավորություն չտվեց իրականացնել ակնկալվող ճեղքումը: Այդուհանդերձ, բանակցային գործընթացը շարունակվում է: Ընդունվել է երկու երկրների արտգործնախարարների միջեւ նոր հանդիպման սկզբունքը, թեեւ ժամկետը դեռեւս չի որոշվել:Ձեր կարծիքով, նկատվո՞ւմ է արդյոք դինամիկա Հայաստանի եւ Ֆրանսիայի տնտեսական համագործակցության ոլորտում: Ցավոք, Ֆրանսիայի եւ Հայաստանի միջեւ եղած տնտեսական հարաբերություններն ամենեւին նույն մակարդակին չեն ինչ քաղաքական հարաբերությունները: Այնուամենայնիվ, հիմքեր կան հուսալու, որ մեր երկրների առեւտրատնտեսական կապերը կուժեղանան մոտակա տարիներին: Դրա ապացույցն, ըստ իս, ֆրանսիական խոշոր ձեռնարկությունների Հայաստանում կատարած ներդրումներն են եւ տնտեսական գործակցությունները, որոնք հաստատվում են տարբեր ճյուղերում, ինչպիսիք ատոմային էներգիան, գազը, ջրամատակարարումը, մթերայինը: Ֆրանսիական փոքր եւ միջին ձեռնարկությունների Հայաստանի նկատմամբ հետաքրքրությունը եւս հուսադրող ազդակ է: Բազմանում են մեր երկրների միջեւ փոխանակությունների խթանմանն ուղղված նախաձեռնությունները: Նկատի ունեմ, մասնավորապես, այս տարվա մարտի 30-ին, Իսի լե Մուլինոյում կայացած բարձր տեխնոլոգիաներին նվիրված ֆորումը: Խոսքն այստեղ ապագայի ոլորտի մասին է, որը կարող է հետաքրքիր հեռանկարներ բացել Հայաստանի եւ նրա երիտասարդ տաղանդների առջեւ: |  Սյուժե Այլ հարցազրույցներ Վերջին լուրեր Փակ են դեպի Ամբերդ ամրոց և Քարի լիճ տանող ճանապարհները․ Լարսը բաց է  Վարորդներին խորհուրդ է տրվում երթևեկել բացառապես ձմեռային անվադողերովԱստիճանաբար կտաքանա 6-8 աստիճանով Երևանում ապրիլի 19–ի ցերեկային ժամերին օդի ջերմաստիճանը կհասնի +28–իՊատգամավոր. Ապօրինի միգրանտները գալու են, լցվեն Հայաստան «Պակիստանից, Բանգլադեշից կամ այլ երկրից 50 կամ 100 հազար մարդ գա, հասկանո՞ւմ եք, թե ինչ է լինելու Հայաստանի հետ մի քանի տարուց»,- ասել է նա |
Ուշադրության կենտրոնում
Հոդվածներ. Հայաստան և աշխարհ
