ԱՄՆ-ում մշակվում է Ադրբեջանին ռազմական օգնություն ցուցաբերելու սցենարը

PanARMENIAN.Net - Ամերիկացի զինվորականներն անց են կացնում հրմանատարաշտաբային զորավարժություններ, որի ընթացքում մշկվում է Ադրբեջանին ռազմական օգնություն ցույց տալու սցենարը հարեւան պետության կողմից ագրեսիայի դեպքում, որը պայմանականորեն անվանվել է Ախուրաստան: Ընդ որում չի բացառվում, որ Ախուրաստանի թշնամական բանակը ռազմական գործողությունների ժամանակ կարող է կիրառել քիմիական զենք` նյարդա-պարալիտիկ գազ: Սցենարը մշակվել է ԱՄՆ Գլխավոր շտաբի քոլեջում: Հրամանատարական զորավարժություններին մասնակցում են զորքերի բոլոր տեսակների ներկայացուցիչները: Ուսումնասիրվում է նաեւ հնարավոր իրավիճակը զանգվածայիին ազդեցության զենքի կիրառման, փախստականների հոսքերի առաջացման դեպքում: Փորձագետները գտնում են, որ այժմ Իրանին ռազմական հարված հասցնելու սպառնալիքն իրական է ինչպես երբեք: Եգիպտոսի «Ալ-Ահրամ» թերթը հրապարակել է «Ամերիկյան հարվածի սցենարները» նյութը: Հոդվածում նշվում է, որ ռազմական գործողությունների ծավալման դեպքում Իրանը կհարվածի Բաքու-Թբիլիսի-Ջեյհան նավթատարին: Իրանի հրթիռները ի վիճակի են ոչնչացնել Կասպիի նավթային օբյեկտները, որոնց արդյունահանությամբ զբաղվում են ամերիկացիները եւ եվրոպացիները:



Ըստ ադրբեջանցի քաղաքագետ Ռասիմ Մուսաբեկովի, մամուլի համար ամերիկյան կողմի ներկայացված զորավարժությունների սցենարը որոշ առումով քողակում է: «Ես կարծում եմ, որ ամերիկացի ռազմական մասնագետները մշակում են Իրանի հետ ռազմական բախման տարբեր սցենարներ, այդ թվում Վրաստանի եւ Ադրբեջանի տարածքով: Թեեւ այդ սցեանրի իրական լինելը մշակվում է եւ ստուգվում նման զորավարժությունների ժամանակ: Դրանց հիմքի վրա եզրակացություններ են արվում: Իսկ ներկայացված սցենարը, կարծում եմ, ավելի շուտ քողարկված է, որն ուղղված նրան, որ բոլորը հասկանան` ԱՄՆ-ն դիտարկում է Իրանի դեմ հարձակման հնարավորությունը, այդ թվում Ադրբեջանի տարածքով»,-ասել է նա, հաղորդում է «Էխո» թերթը` վկայակոչելով Fort Leavenworth lamp: