Ադրբեջանում պատրաստ չեն հրաժարվել մաքսիմալիստական դիրքորոշումից ղարաբաղյան հարցում 4 հունիսի 2007 - 19:07 AMT PanARMENIAN.Net - Լեռնային Ղարաբաղի խորհրդարանի խոսնակ Աշոտ Ղուլյանը կիսել է իրր սպասելիքները հունիսի 9-ին Սանքտ Պետերբուրգում կայանալիք Հայաստանի եւ Ադրբեջանի նախագահներ Ռոբերտ Քոչարյանի եւ Իլհամ Ալիեւի հանդիպման վերաբերյալ, որոնք ղարաբաղյան հակամարտության կարգավորման բանակցությունների հերթական փուլը կանցկացնեն ԱՊՀ ղեկավարների ոչ ֆորմալ գագաթնաժողովի շրջանակներում: Եթե դատենք ըստ միջնորդների լավատեսության, ապա, թվում է, թե հիմնական սկզբունքների համաձայնեցման հարցում տեղաշարժի հավանականությունը շատ մեծ է: Անշուշտ, հուսալ պետք է, սակայն, դատելով արտաքին դրսեւորումներից, ավելի հստակ` ադրբեջանական պաշտոնյաների հայտարարություններից կարելի է արձանագրել, որ, ցավոք, Ադրբեջանում պատրաստ չեն հրաժարվել մաքսիմալիստական դիրքորոշումից, ինչն արդեն հակասում է բանակցային գործընթացի տրամաբանությանը: Մնում է ենթադրել, որ դա ուղղակի կոնկրետ պայմանավորվածության դուրս գալու հերթական շանս է»,-մասնավորապես հայտարարել է Ղարաբաղի ԱԺ խոսնակը: Մեկնաբանելով տարածվող լուրերն այն մասին, որ հայկական կողմը կարող է վերահսկվող տարածքները հանձնել հետաձգված հանրաքվեի փոխարեն` Ա.Ղուլյանը հայտարարել է. «Եթե ինչ-որ բան տարածվում է, ուրեմն դա ինչ-որ մեկին պետք է»: «Ընդ որում նա զարմանք է հայտնել, որ այդ դատողություններում ոչ ոք հղում չի անում ԼՂՀ Հիմնական օրենքին, որը վերջերս է ընդունվել եւ որտեղ սեւով սպիտակին գրված է. «Մինչ Լեռնային Ղարաբաղի Հանրապետության պետական ամբողջականության վերականգնումը եւ սահմանների հստակեցումը, հանրային իշխանությունն իրականացվում է այն տարածքներում, որոնք փաստացի գտնվում են Լեռնային Ղարաբաղի Հանրապետության իրավասության տակ» (Հոդված 142): «Այլ կերպ ասած, անտեղի եմ համարում այս դեպքում արհեստականորեն մրցակցություն կազմակերպել` թե ով ավելի հզոր եւ ուժեղ կասի: Այնտեղ գրված է նաեւ, որ «ԼՂՀ Սահմանադրությունը բարձրագույն իրավական ուժ ունի եւ նրա նորմերն անմիջական են գործում»: (Հոդված 7, պ.1): Ամփոփելով, կցանկանայի նկատել, որ այդ տարածքների կարգավիճակն արդեն ամրագրված է մեր երկրի Հիմնական օրենքում: Իսկ Սահմանադրությունը, միջազգային իրավունքի տեսակետից, ցանկացած ժողովրդի կամքի արտահայտման բարձրագույն ձեւն է»,-ընդգծել է նա: ԼՂՀ խորհրդարանի նախագահը նշել է նաեւ, որ նոր ազդակները բանակցային գործընթացում պետք է պահանջված լինեն: Նրա խոսքերով, կան գործընթացն արագացնելու բազում միջոցներ, սակայն բոլորն էլ լուրջ քննարկման կարիք ունեն: «Քանի որ բացակայում է նման քննարկումների համար անհրաժեշտ հարթակը, բոլոր խոսակցությունները հիպոթետիկ բնույթ են ստանում: Կարծում եմ, լավ հիմք կարող էր ծառայել բոլոր կողմերի հայտարարությունն առ այն, որ իրենք հավատարիմ են զինադադարի ռեժիմին եւ բոլոր բարդ հարցերը բացառապես խաղաղ ճանապարհով լուծելուն: Դա, անկասկած, նորություն չէ, սակայն այն ի ցույց կդնի կողմերի մտադրությունների անկեղծությունը: Միջնորդները, հուսով եմ, բոլորից շատ են զգում վստահության կամուրջների վերականգնման անհրաժեշտությունը, որոնք այնքան պակասում են մեր տարածաշրջանում: Հենց այս ոլորտն է, որ փուլային մոտեցման կարիք հունի, մնացած բոլոր հարցերը կարելի է լուծել վստահության եւ բարի կամքի առկայության դեպքում: Եվ, վերջապես, բանակցությունները պետք է վարվեն հաստատված ձեւաչափով, կողմերի ստանձնած պարտավորությունների համաձայն»,-ամփոփել է նա, հաղորդում է «Ռեգնում» գործակալությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |