Իսրայելը հարձակում է գործել Սիրիայի դեմ ոչ առանց Թուրքիայի օգնության14 սեպտեմբերի 2007 - 19:10 AMT PanARMENIAN.Net - Սեպտեմբերի 6-ին Սիրիայի տարածքի վրա օդային հարձակում գործած իսրայելական կորժանիչներին Թուրքիան թույլ էր տվել թռչել իր տարածքով, հաղորդում է The Jerusalem Post-ը, հղում անելով Քուվեյթի Al-Jarida թերթին: Ավելին, թերթի տվյալներով, թուրքական կողմը Իսրայելի ՌՕՈՒ-ին հետախուզական տվյալներ է տրամադրել Սիրիայի այն թիրախների մասին, որոնք պետք է ոչնչացնեին ինքնաթիռները: Թերթը պնդում է, թե Թուրքիայի օդային տարածքով թռչելու թույլտվությունը իսրայելցիները ստացել են զինվորականներից, որոնք չեն համաձայնեցրել այդ քայլը վարչապետ Ռեջեփ Թաիփ Էրդողանի հետ: Հիշեցնենք, որ ըստ Սիրիայի զինվորականների, սեպտեմբերի լույս 6-ի գիշերը Իսրայելի մի քանի կործանիչներ ներխուժել են երկրի օդային տարածք Միջերկրական ծովի կողմից: Ինքնաթիռները հարվածել են անապատային տարածքին եւ այն բանից հետո, երբ նրանց հակահարված է տվել Սիրիայի ՀՕՊ-ը, հեռացել են: Իսրայելի ղեկավարությունը հրաժարվել է մեկնաբանել միջադեպը, սակայն Պենտագոնից անանուն աղբյուրները հաստատել են Սիրիայի սահմանի խախտման փաստը: Թուրքիայի ԱԳՆ ղեկավար Ալի Բաբականը հայտարարել է, որ սեպտեմբերի լույս 6-ի գիշերը Իսրայելի F-15-1 ինքնաթիռները զորավարժություններ են կատարել սիրիա-թուրքկան սահմանի մոտ եւ երկու վառելաբակ են նետել, որոնք ընկել են Թուրքիայի տարածքում: Անկարան միջադեպն անվանել է «թուրքական ինքնիշխանության անթույլատրելի խախտում» եւ պահանջել է հրապարակային պարզաբանում տալ, սապռնալով որպես բողոքի նշան դադարեցնել համատեղ իսրայելա-թուրքական զորավարժությունները: Ըստ փորձագետների ենթադրությունների, Իսրայելի ՌՕՈՒ-ի օդային հարձակման նպատակը եղել են կամ զենքի պահեստները, որը Իրանը Սիրիայի տարածքով առաքում է Լիբանան` «Հեզբոլլահ» խմբավորմանը, կամ հրթիռային ռազմակայանը, որը կառուցվել է իրանցի մասնագետների մասնակցությամբ: Կա վարկած, որ կործանիչները պետք է ոչնչացնեին որոշ միջուկային նյութեր, որոնք, ըստ հետախուզական տվյալների, մատակարարվում էին Սիրիա Հյուսիսային Կորեայից: Սիրիացիները պնդում են, թե հողի վրա ոչ մի խախտում չի եղել, հաղորդում է Լենտա.ռու-ն: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |