Քրդերի դեմ պայքարում Թուրքիան մտադիր է մինչեւ վերջ գնալ22 հոկտեմբերի 2007 - 16:59 AMT PanARMENIAN.Net - Կիրակի օրը թուրքական ԶՈՒ-ի եւ քուրդ գրոհայինների բախման արդյունքում սպանվել է թուրքական բանակի 12 զինվոր: Քրդական աշխատավորական կուսակցության գրոհայինների հարձակումից հետո շտապ կերպով Անկարա են կանչվել գեներալները: Նախագահի մոտ կայացած խորհրդակցությանը մասնակցել է նաեւ Թուրքիայի գերագույն ռազմական ղեկավարությունը: Թուրքիայի ղեկավարությունը սպառնացել է «ցանկացած գնով» հաղթել քուրդ գրոհայիններին, որոնք կիրակի օրը հարձակվել են թուրք զինվորականների խմբի վրա Իրաքի հետ սահմանի մոտ եւ սպանել 12 հոգի: Քրդական աշխատավորական կուսակցության (ՔԱԿ) դեմ պայքարում մինչեւ վերջ գնալու` ներառյալ ներխուժումը Իրաք, Թուրքիայի վճռականության մասին է ասվում վարչապետ Ռեջեփ Թաիփ Էրդողանի հայտարարության մեջ, որն արվեց ուժային կառույցների ղեկավարության հետ արտահերթ խորհրդակցության ավարտին: ՔԱԿ-ի կողմից զոհվել են 32 գրոհայիններ: Խորհրդակցության ժամանակ քննարկվել է իրաքյան Քրդստանի տարածքում ՔԱԿ-ի ռազմակայաններին հարված հասցնելու հարցը, ինչի թույլտվությունը չորեքշաբթի տվել է թուրքական խորհրդարանը: Էրդողանը հաղորդել է, որ ԱՄՆ պետքարտուղար Քոնդոլիզա Ռայսը խնդրել է թուրքերին ձեռնպահ մնալ նման քայլերից, գոնե մի քանի օր: Նրա խոսքերով, դա վկայում է այն մասին, որ Վաշինգտոնը լուրջ է վերաբերվում Անկարայի կարծիքին: Էրդողանի մոտ կայացած խորհրդակցությունից հետո արված հայտարարությունը արված էր կոշտ տոնով, սակայն չէր նշվում, թե Թուրքիայի ներխուժումը տեղի կունենա մոտակա ապագայում: Ինչպես ասվում է թուրքական կառավարության հայտարարության մեջ, որ հրապարակվել է կիրակի երեկոյան, «թեեւ Թուրքիան հարգում է Իրաքի տարածքային ամբողջականությունը, այն չի հանդուրժի նպաստումը ահաբեկչությանը եւ չի վարանի ցանկացած գին վճարել իր իրավունքները, իր անբաժանելի միասնությունը եւ իր քաղաքացիներին պաշտպանելու համար: Անջատողական ահաբեկչական կազմակերպության դեմ պայքարը համառ կլինի եւ մինչեւ վերջ կգնա»,-նշվում է փաստաթղթում: Նշենք, որ Անկարան Իրաքում քրդական ռազմակայաններին հարվածներ հասցնելու կոչով դիմել է ամերիկյան եւ իրաքյան բանակներին: ԱՄՆ-ն ցանկանում է զերծ պահել Թուրքիային հապճեպ գործողություններին, քանի որ Քրդստանը այսօրվա դրությամբ գրեթե ամենահանգիստ վայրն է Իրաքում: Քրդական ինքնավարության առաջնորդ Մասուդ Բարզանին կիրակի օրը հայտարարել է Թուրքիայի կողմից հնարավոր հարձակմանը դիմադրություն ցուցյ տալու պատրաստակամության մասին: Ըստ Բարզանիի, Իրաքի քրդերը պատասխանատվություն չեն կրում ՔԱԿ-ի գործունեության համար եւ Թուրքիան պետք է կարգավորի հակամարտությունը խաղաղ ճանապարհով: Իր հերթին, Իրաքի նախագահ Ջալալ Թալաբանին, որն ինքը էթնիկ քուրդ է, կոչ է արել ՔԱԿ-ի գրոհայիններին վայր դնել զենքը կամ լքել Իրաքի տարածքը, հաղորդում է BBC- ռուսական ծառայությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |