Թուրքիայում քրիստոնյա քարոզիչների սպանության համար մեղադրվողները կարող են դատապարտվել ցմահ բանտարկության23 նոյեմբերի 2007 - 14:14 AMT PanARMENIAN.Net - Յոթ երիտասարդ թուրքեր կանգնել են դատարանի առջեւ Թուրքիայի արեւելյան գավառում տարեսկզբին երեք քրիստոնյաների սպանության մեղադրանքով: Մալաթիայում մեղադրայլները դատարանում հայտարարել են, թե իրենց գործողություններով փորձում էին պաշտպանել Թուրքիային «երկրի պառակտմանն ուղղված հակաիսլամական դավադրությունից»: Նրանցից հինգին սպառնում է ցմահ բանտարկություն: Մյուս երկուսը մեղադրվում են ահաբեկչական կազմակերպության գործունեությանը մեղսակցության համար: Սակայն մեղադրայլների փաստաբանը գտնում է, որ նրան կհաջողվի նվազագույն պատժի հասնել իր պաշտպանյալների համար: Նրա խոսքերով, քրեական գործի հատորներից կեսը նվիրված է Թուրքիայի տարածքում սպանվածների քարոզչական գործունեությանը: Փաստաբանը մտադիր է պաշտպանության գիծը կառուցել, ելնելով նրանից, որ ցանկացած այլ մահմեդական երկրում նման գործունեությունը հանցագործություն է: Թուրքիայում մնացել է շուրջ 100 հազար քրիստոնյա, ինչը երկրի բնակչության մեկ տոկոսից էլ քիչ է: Թուրք ազգայնականները համարում են, որ քրիստոնեական քարոզները եւ քրիստենյա գրականության տարածումը սպառնալիք են երկրում իսլամական հավատքի համար: Տեղի քահանայի եւ Գերմանիայից ժամանած միսիոներների մարմինները գտնվել են դանակի բազմակի հարվածներով եւ կտրած պարանոցներով` բողոքական առաքելությանը պատկանող տպագրատան տարածքում, թուրքական Մալաթիա գավառում: Մալաթիայում բնակվում է բողոքականների մի փոքր համայնք: Կատարված հանցագործությունը ստիպեց շատերին լքել այդ վայրերը: Սպանության կատարման կասկածյալները 19-20 տարեկան են, եւ ձերբակալվել են հանցագործության վայրում: Սպանությունն այդ արեւելյան գավառում կատարվել է այն բանից մեկ տարի անց, երբ Թուրքիայի հյուսիսում սպանվեց կաթոլիկ քահանան, եւ ընդամենը մի քանի ամիս անց հայազգի լրագրող Հրանտ Դինքի սպանությունից: Բոլոր դեպքերում կասկածյալները ազգայնական տիպի շարժումների անդամ հանդիսացող երիտասարդներ են, հաղորդում է BBC-ի ռուսական ծառայությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |