Լեւոն Տեր-Պետրոսյանը քաղաքական հետապնդում է որակել Գագիկ Ջհանգիրյանի ձերբակալման փաստը24 փետրվարի 2008 - 17:27 AMT PanARMENIAN.Net - Հայաստանի առաջին նախագահ Լեւոն Տեր-Պետրոսյանը «Ազատություն» ռադիոկայանին տված հարցազրույցում բացահայտ քաղաքական հետապնդում որակեց Հայաստանի գլխավոր դատախազի նախկին տեղակալ Գագիկ Ջհանգիրյանի ձերբակալման փաստը: «Գագիկ Ջհանգիրյանի ձերբակալության դրդապատճառները, ինձ թվում է, հասկանալի են. մարդը բացահայտ, լինելով պետական պաշտոնյա, աջակցություն հայտնեց ինձ, ուրեմն, սա բացահայտ քաղաքական հետապնդում է, երկրորդ, ունի այլ նպատակ` որպեսզի Ջհանգիրյանի օրինակով ահաբեկի մյուս պետական պաշտոնյաներին, որպեսզի չհետեւեն նրա օրինակին: Ես ունեմ մի երրորդ մեկնաբանություն, որի մասին կխոսեմ հետո»: Այնուհետեւ Լեւոն Տեր-Պետրոսյանը հավելեց. «Ուղարկված է փաստաբան, փաստաբանին ներս չեն թողնում: Ես քիչ առաջ ի պաշտոնե, որպես Հայաստանի Հանրապետության նախագահի թեկնածու, դիմեցի Մարդու իրավունքների պաշտպան Արմեն Հարությունյանին` պահանջելով, քանի որ Ջհանգիրյանը իմ կողմնակիցն էր, աջակիցը եւ այստեղ էլ` Ազատության հրապարակում, ելույթ է ունեցել ի աջակցություն ինձ, պահանջեցի, որ նա այցելի այդ հիմնարկ եւ ապահովի ամբողջ օրինական ընթացակարգը եւ անպայման անի ամեն ինչ, որ փաստաբանը ներկա գտնվի այդ ընթացակարգին: Արմեն Հարությունյանը խոստացավ անմիջապես կատարել իմ այդ խնդրանքը»: Պատասխանելով այն հարցին, արդյոք կարո՞ղ է վտանգ սպառնալ Գագիկ Ջհանգիրյանի կյանքին, հաշվի առնելով այն հանգամանքը, որ նա մոտ 3 տարի վարել է հոկտեմբերի 27-ի գործի քննությունը, առաջին նախագահ Տեր-Պետրոսյանն արձագանքեց. «Ես չեմ հավատում, սկզբում խոսակցություն կար, որ նրան կամ առեւանգել են կամ ձերբակալել: Առեւանգումը ինձ անհանգստացնում էր, հնարավոր էր նաեւ, որ ոստիկանի համազգեստով այդպիսի բան կատարվեր բանդիտների, քրեական տարրերի կողմից: Բայց ես հիմա շատ հանգիստ եմ, որ նա իրավական դաշտում է, իրավական դաշտում նրան ոչինչ չի սպառնում»: Լեւոն Տեր-Պետրոսյանը դժվարացավ ասել` որքան կարող է անազատության մեջ լինել Գագիկ Ջհանգիրյանը. «Մեր հաղթանակի պարագայում դա մի քանի օրերի հարց է, եւ կաշխատենք հաղթենք, որ այդ հարցը շուտ լուծենք: Մյուս պարագայում` չգիտեմ»: Ըստ «Ազատություն» ռադիոկայանի, ոստիկանության Կազմակերպված հանցավորության դեմ պայքարի գլխավոր վարչություն տարված Գագիկ Ջհանգիրյանին գիշերը այցելել է Հայաստանի մարդու իրավունքների պաշտպան Արմեն Հարությունյանը, ըստ որի. «Ամեն ինչ նորմալ էր, հանգիստ, որեւէ խնդիր չկար, եւ զրույց էր գնում, քանի որ նրա կարգավիճակը դեռ որոշված չէր»: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |