Վանում ցրել են քրդերի ցույցը27 փետրվարի 2008 - 14:29 AMT PanARMENIAN.Net - Հարյուրավոր քրդեր են երեքշաբթի դուրս եկել Թուրքիայի արեւելքում գտնվող Վան քաղաքի փողոցներ` բողոքելով իրաքյան Քրդստանում Թուրքիայի ռազմական գործողությունների դեմ: Ցույցը ցրելու համար ոստիկանությունը կիրառել է ջրցան մեքենաներ եւ արցունքաբեր գազ: Ցուցարարները քարեր են նետել ոստիկանների վրա: Կազմակերպիչների խոսքերով, ցույցի հինգ մասնակիցներ վնասվածքներ են ստացել, մի քանի հոգի ձերբակալվել է, հաղորդում է Եվրոնյուսը: Հիշեցնենք, որ արդեն հինգերորդ օրն է, ինչ Հյուսիսային Իրաքում մարտեր են ընթանում թուրքական բանակի եւ Քրդական աշխատավորական կուսակցության գրոհայինների միջեւ: Թուրքերը ռազմական տեխնիկայի եւ ավիացիայի օգնությամբ առաջ են շարժվում ձյունածածկ լեռներում: Նպատակը քուրդ գրոհայինների հենակետերը ոչնչացնելն է: Վերջերս նրանք հաճախակի են դարձրել հարձակումներն ու ահաբեկչական գործողությունները Թուրքիայի տարածքում: «Ահաբեկչական կազմակերպությունը հիմնավորվել է Իրաքի հյուսիսում: Այն ապակայունացնում է Իրաքն ու սպառնում է Թուրքիային: Մեր ներդրումը ահաբեկչության դեմ պայքարում թույլ կտա բարելավել մեր հարաբերություններն Իրաքի հետ»,-հայտարարել է թուրքական խորհրդարանի անդամների առջեւ երկրի վարչապետ Ռեջեփ Էրդողանը` կրկին խոստանալով զորքերը դուրս բերել գործողության ավարտից հետո: Թուրքական հրամանատարության տվյալներով, ռազմական գործողությունների արդյունքում սպանվել են շուրջ 150 գրոհայիններ, ինչպես նաեւ 19 թուրք զինվորներ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |