ԱՀՀ-ն կրկին կոչ է անում Ջորջ Բուշի վարչակազմին ճանաչել Հայոց ցեղասպանությունը10 հունիսի 2008 - 15:44 AMT PanARMENIAN.Net - Ամերիկայի հայկական համագումարը (ԱՀՀ), Ջորջ Բուշի կողմից Մարիա Յովանովիչի եւ Ջեյմս Ջեֆրիի թեկնածությունները Հայաստանում եւ Թուրքիայում ԱՄՆ դեսպանների պաշտոններում առաջադրելու կապակցությամբ, կրկին կոչ է անում Միացյալ Նահանգներին համաձայնվել Միջազգային դատարանի հետ ՄԱԿ-ի Ցեղասպանության մասին հռչակագրի վերաբերյալ եւ հանցագործություն ճանաչեն 1915 թվականի Հայոց ցեղասպանությունը: Ինչպես PanARMENIAN.Net ին են հաղորդել ԱՀՀ-ում, փաստաթղթում, մասնավորապես, ասվում է, որ Ցեղասպանության մասին կոնվենցիան անմարդկային եւ բարբարոսական գործողությունների արդյունք է, որին ենթարկվել են որոշ երկրներ Երկրորդ համաշխարհային պատերազմի տարիներին, երբ կրոնական, ռասայական եւ ազգային փոքրամասնություններ ոչնչացվել են: «Ցեղասպանություններ կատարվել են մարդկության ողջ պատմության ընթացքում: Հռոմեացիները ոչնչացրել են քրիստոնյաներին, Թուրքիայում կոտորվել են հայերը, միլիոնավոր հրեաներ եւ լեհեր ոչնչացվել են նացիստների կողմից` այս ամենը որակում է ցեղասպանությունը որպես հանցագործություն»,-ասվում է փաստաթղթում: Մարդու իրավունքների իռլանդական կենտրոնի պրոֆեսոր Ուիլյամ Շաբասի խոսքերով, ՄԱԿ-ի Գլխավոր վեհաժողովը իր նախապատմությունն ունի ցեղասպանության հարցում: «Ոչ թե մեկ, այլ երկու անգամ նա միաձայն ճանաչել է, որ ցեղասպանությունը քրեական հանցագործություն է, որ գտնվում է միջազգային իրավունքի իրավասության տակ եւ պետությունները պետք է քայլեր ձեռնարկեն ցեղասպանություններ թույլ չտալու եւ կանխելու համար»,-նշել է Շաբասը: «Պրոֆեսոր Շաբասը կրկին հիշեցրեց մեզ ԱՄՆ-ում ցեղասպանության մասին օրենքի ընդունման պատմությունը: Այժմ Ջորջ Բուշի վարչակազմը հարմար առիթ է ստացել վերջ տալու համար Հայոց ցեղասպանության ուրացման թուրքական քաղաքականությանը»,-հայտարարել է ԱՀՀ գործադիր տնօրեն Բրայան Արդունին: Նրա կարծիքով, ԱՄՆ-ի դեսպանը Թուրքիայում կարող է օգտվել եզակի հնարավորությունից եւ հետեւել դեսպան Հենրի Մորգենթաուի օրինակին` Թուրքիայի փոքրամասնությունների վերաբերյալ մարդու իրավունքների ունիվերսալ սկզբունքները երաշխավորելու համար, որպեսզի փոքրամասնությունները պաշտպանված լինեն, այլ ոչ թե հետապնդվեն: 18 ամիսների ընթացքում Երեւանում ԱՄՆ դեսպանի պարտականությունները կատարում է գործերի ժամանակավոր հավատարմատարը: 2006 թվականին Հայոց ցեղասպանություն տերմինի օգտագործման պատճառով Ջոն Էվանսի պաշտոնանկությունից հետո, վարչակազմը երկու անգամ առաջադրել է Ռիչարդ Հոգլանդի թեկնածությունը Երեւանում դեսպանի պաշտոնի համար: Երկու անգամն էլ թեկնածությունը արգելափակվել է Նյու Ջերսիից ընտրված սենատոր Ռոբերտ Մենենդեսի կողմից, քանի որ Հոգլանդը չուներ հստակ դիրքորոշում Հայոց ցեղասպանության հարցում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |