  Երեւանում Սերգեյ Լավրովը կքննարկի Անդրկովկասում անվտանգության ապահովման հարցում Ռուսաստանի եւ Հայաստանի փոխգործակցությունը 1 հոկտեմբերի 2008 - 17:09 AMT PanARMENIAN.Net - Հայաստան կատարած այցի ընթացքում ՌԴ արտգործնախարար Սերգեյ Լավրովն իր հայ գործընկեր Էդվարդ Նալբանդյանի հետ կքննարկի Անդրկովկասում անվտանգության ապահովման հարցում Ռուսաստանի եւ Հայաստանի փոխգործակցությունը: ՌԴ ԱԳՆ պաշտոնական ներկայացուցիչ Անդրեյ Նեստերենկոյի խոսքերով, «նախարարները կքննարկեն տարածաշրջանի իրադրությունը վրացական վարչակարգի վերջին անպատասխանատու եւ արկածախնդիր գործողություններից հետո, որոնք հանգեցրին Ռուսաստանի հարավային սահմանների մոտ տեղի ունեցած ողբերգական դեպքերին»:«Մոսկվայում նաեւ ակնկալում են համատեղ սերտ համագործակցության շարունակում ԱՊՀ եւ ՀԱՊԿ (Կազմակերպությունում Հայաստանի նախագահությունը հաշվի առնելով), ինչպես նաեւ այլ հեղինակավոր կազմակերպությունների շրջանակներում, այդ թվում` ՄԱԿ, ԵԽ եւ ԵԱՀԿ: Նախարարները կշոշափեն նաեւ ռուս-հայկական հարաբերություններում առաջին պլան դուրս եկող տնտեսական խնդիրները»,- նշել է Նեստերենկոն: Այցի ընթացքում կքննարկվի նաեւ ղարաբաղյան հակամարտության կարգավորման խնդիրը: «Ռուսաստանը մտադրված է այսուհետ էլ հակամարտության կողմերին աջակցություն ցույց տալ փոխընդունելի լուծում գտնելու համար: Այդ համատեքստում սատարելով ԵԱՀԿ Մինսկի խմբին` Ռուսաստանը հաստատում է Լեռնային Ղարաբաղի հակամարտության հարցում իր սկզբունքային դիրքորոշման անփոփոխությունը: Ելնում ենք այն բանից, որ ղարաբաղյան կարգավորման բանաձեւի վերջնական ընտրության գլխավոր պատասխանատվությունն ընկած է հենց իրենց` հայերի եւ ադրբեջանցիների վրա: Ռուսաստանը պատրաստ կլինի ընդունել եւ աջակցել խնդրի լուծման այն տարբերակը, որը կընդունեն հակամարտության մեջ ընդգրկված կողմերը, իսկ փոխզիջողական համաձայնության հասնելու դեպքում հանդես կգա որպես կարգավորման երաշխավորող»,- ընդգծել է նա, հաղորդում է ՌԴ ԱԳՆ մամլո ծառայությունը:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Բաժիններ թեմայով Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
