Առաջիկայում Թեհրանը մտադիր է հանդես գալ Կովկասում հակամարտությունների կարգավորման վերաբերյալ նախաձեռնությամբ30 հոկտեմբերի 2008 - 14:18 AMT PanARMENIAN.Net - Առաջիկայում Թեհրանը մտադիր է հանդես գալ Կովկասում հակամարտությունների կարգավորման վերաբերյալ նախաձեռնությամբ: Այդ մասին այսօր հայտարարել է Իրանի փոխարտգործնախարար Հոսեյն Շեյհոլիսլամը` պատասխանելով լրագրողների հարցերին Թեհրանում ընթացող «Կենտրոնական Ասիա եւ Կովկաս» խորագրով միջազգային խորհրդաժողովի շրջանակներում: Ըստ փոխնախարարի, «այդ ծրագիրն արդեն պատրաստ է: Այն կհրապարակվի մոտ ապագայում, հենց որ կատարվեն տարածաշրջանի տարբեր պետությունների առաջարկած փոփոխությունները»: «Իրանի ԱԳՆ ղեկավար Մանուչեհր Մոթթակիի Կովկասի տարածաշրջան այցելությունից հետո, այդ տարածաշրջանի պետությունները պայմանավորվեցին, որ Թեհրանը կմշակի եւ իրենց կներկայացնի ճգնաժամերի կարգավորման ծրագիր»,-ասել է ԱԳՆ փոխղեկավարը: «Ներկայումս մենք լրացումներ ենք կատարում եւ շուտով այդ աշխատանքը կավարտվի»,-ասել է նա: «Մենք ի գիտություն ընդունեցինք իրավիճակի մասնագիտական գնահատումները, շարադրված տարածաշրջանի պետությունների կողմից, եւ վերջնական համաձայնեցումից հետո կներկայացնենք մեր նախաձեռնությունը Ռուսաստանին, Ադրբեջանին, Հայաստանին եւ Վրաստանին»,-ասել է նա, հաղորդում է Կովկաս-Պրեսսը: Նշենք, որ սեպտեմբերի 24-ին Նյու Յորքում տեղի ունեցավ Թուրքիայի եւ Իրանի արտգործնախարարներ Ալի Բաբաջանի ու Մանուչեհր Մոթթակիի դիրքորոշումների ճշտում Ղարաբաղի վերաբերյալ: Կողմերը հանգամանալից քննարկեցին Կովկասում ստեղծված իրավիճակը: Մոթթակին հետաքրքրվեց Թուրքիայի նախագահ Ա.Գյուլի Երեւան կատարծ այցի արդյունքներով: Թուրքիայի եւ Իրանի ԱԳՆ ղեկավարները պայմանավորվեցին շարունակել բանակցություններն, ուղղված իրավիճակի շտկմանը Կովկասում: Կովկասում իրավիճակի կարգավորման նախաձեռնությամբ հանդես է գալիս նաեւ Թուրքիան: Օգոստոսի 12-ին տարածաշրջանային «Կովկասում խաղաղության եւ կայունության պլատֆորմի» ստեղծման գաղափարով Մոսկվայում հանդես եկավ Թուրքիայի վարչապետ Ռեջեփ Թաիփ Էրդողանը: Այդ նախաձեռնությունը ստացավ ռուսական կողմի աջակցությունը: Ենթադրվում է, որ այդ պլատֆորմի ալյանսին Ռուսաստանից ու Թուրքիայից բացի կանդամակցեն նաեւ Ադրբեջանը, Հայաստանն ու Վրաստանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |