  Քերոլայն Քոքս. Ղարաբաղի կողմն է ամենահզոր զենքը` ճշմարտությունը 5 հունիսի 2010 - 16:27 AMT PanARMENIAN.Net - Հունիսի 5-ին Լեռնային Ղարաբաղի Հանրապետության փոխարտգործնախարար Վասիլի Աթաջանյանը ընդունել է Մեծ Բրիտանիայի խորհրդարանի լորդերի պալատի անդամ Քերոլայն Քոքսին և նրա գլխավորած պատվիրակությանը: Վասիլի Աթաջանյանը շնորհավորեց Քերոլայն Քոքսին Արցախ կատարած 70-րդ այցի կապակցությամբ, իր երախտագիտությունն արտահայտելով Արցախի ժողովրդի ազգային-ազատագրական պայքարին բազմամյա աջակցության համար: Հյուրերի խնդրանքով արտաքին գերատեսչության ղեկավարի տեղակալը ներկայացրեց ղարաբաղյան շարժման հիմնական փուլերը: Նշելով , որ Լեռնային Ղարաբաղի Հանրապետության հռչակումը տեղի է ունեցել այն ժամանակ գործող խորհրդային օրենքներին և միջազգային օրենքի նորմերին խիստ համապատասխան, նա ընդգծեց, որ Ղարաբաղի ժողովրդի օրինական կամարտահայտությանը պաշտոնական Բաքուն պատասխանեց ագրեսիայով: Միաժամանակ, Վասիլի Աթաջանյանը եվրոպական կառույցներին կշտամբեց այն մեղքի համար, որ, ինչպես Ադրբեջանի կողմից սանձազերծած պատերազի տարիներին, այնպես էլ այսօր, Եվրոպան չի դատապարտում ագրեսիան և Բաքվի ռազմատենչ հռետորությունը, դրանով իսկ նպաստելով հակամարտության գոտում լարվածության ծավալմանը: ԼՂՀ փոխարտգործնախարարը ափսոսանքով արձանագրեց, որ Ադրբեջանն առայսօր չի հրաժարվում ապակառուցողական քաղաքականությունից և հույս է փայփայում ղարաբաղյան խնդիրը լուծել ուժային ուղիով: «Արցախը երբեք չի եղել անկախ Ադրբեջանի կազմում: Ավելին, մինչ 1920 թվականները Ադրբեջանական հանրապետություն գոյություն չի ունեցել: Ցավոք եվրոպական կառույցները հաշվի չեն առնում այս և այլ փաստեր»,- ընդգծեց նա: Իր հերթին Քերոլայն Քոքսը նշեց Ադրբեջանական կողմից ծավալվող տեղեկատվական պատերազմի նկատմամբ համարժեք պատասխանի անհրաժեշտությունը, հայկական սփյուռքի առավել աշխույժ մասնակցությունը ղարաբաղյան խնդրի էության, Արցախը աշխարհին իրատեսորեն ներկայացնելու գործնթացում: «Ձեր կողմն է ամենահզոր զենքը` ճշմարտությունը: Հարկ է միջազգային կառույցներում բարձրացնել հարցն այն մասին, որ Ադրբեջանը փորձել է Արցախի ժողովրդի հանդեպ իրականացնել ցեղասպանություն: Անհրաժեշտ է էլ ավելի ակտիվորեն ներկայացնել աշխարհին Մարաղայում, Սումգայիթում, Բաքվում, այլ վայրերում հայերի դեմ զանգվածային հանցագործությունները: Դրանք հանցագործություններ են մարդկայնության դեմ»,- նշել է լեդի Քոքսը: Հանդիպման վերջում ԼՂՀ ԱԳՆ փոխարտգործնախարարը բարոնուհի Քոքսին և պատվիրակության անդամներին հուշանվերներ հանձնեց, հաղորդում է ԼՂՀ ԱԳՆ մամլո ծառայությունը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում  «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նաՀանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվելՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվիՄիրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |
