Մոսկվայում կրկին կռիվ է ծագել կովկասցիների և «սլավոնական արտաքինով մարդկանց» միջև15 դեկտեմբերի 2010 - 19:34 AMT PanARMENIAN.Net - Կիևյան կայարանի և «Եվրոպական» առևտրի կենտրոնի միջև գտնվող հրապարակում կռիվ է սկսվել սլավոնական արտաքինով մի քանի մարդկանց և երկու հյուսիսկովկասցիների միջև: Վեճի բոլոր մասնակիցները բերման են ենթարկվել, այլ մանրամասներ չեն հաղորդվում: Բացի դրանից իրավապահ մարմինների աշխատակիցներին դիմադրելու համար բերման են ենթարկվել ևս տասը երիտասարդներ, որոնք «Եվրոպականի» մուտքի մոտ հարցազրույց էին տալիս ԶԼՄ-ներին: Ոստիկանության խնդրանքից հետո նրանք հրաժարվել են ցրվել, որից հետո նրանց ուժով են ուղեկցել ավտոբուսներ: Ընդհանուր առմամբ ոստիկանությունը դեկտեմբերի 15-ին Կիևյան կայարանի մոտ ավելի քան 150 հոգու է բերման ենթարկել: Նրանցից շատերից բռնագրավել են վնասարար, սառը զենք, գազի փոքր բալոններ և էլեկտրոշոկի սարքեր, հայտնել է Մոսկվայի ՆԳՊԿ մամլո ծառայության ղեկավար Վիկտոր Բիրյուկովը: Նա նշել է, որ բերման ենթարկվածների մեծամասնությունը կովկասյան հանրապետություններից են: Բերման ենթարկում են նաև «Եվրոպականում»: Մասնավորապես, ոստիկանության հատուկ նշանակության ջոկատի աշխատակիցները առևտրի կենտրոնի երրորդ հարկից կովկասյան արտաքինով 15 երիտասարդների խումբ է դուրս բերել, որոնք նստած էին ռեստորանային հատվածում: Գործակալությունների գնահատմամբ` կայարանի մոտ գտնվող հրապարակում մոտ 300 հոգի է գտնվում, որոնց թվում կան ինչպես ֆուտբոլի երկրպագուներին նման մարդիկ, այնպես էլ կովկասցիներ: Հրապարակի հսկողությանը 1500 ոստիկան է ուղղվել: Կիևյան կայարանի դիմաց գտնվող հրապարակը ոչ պաշտոնապես նշվում էր որպես կովկասյան և կենտրոնասիական հանրապետությունների ներկայացուցիչների ակցիայի վայր: Այդ ակցիան պետք է պատասխան դառնար ֆուտբոլի երկրպագուների մասնակցությամբ դեկտեմբերի 11-ին Մանեժյան հրապարակում տեղ գտած «էթնոհանցավորության» դեմ: Չորեքշաբթի օրվա առավոտից հրապարակում էին գտնվում ոստիկանության հատուկ նշանակության ջոկատի աշխատակիցները և ոստիկանության տասնյակ ավտոմեքենաներ: Խստացվել է նաև իրավակարգի հսկողությունը Մոսկվայի այլ շրջաններում, այդ թվում` Մանեժյան հրապարակում, հաղորդում է Lenta.ru-ն: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |