Օսամա բեն Լադենին զրկեցին «թիվ մեկ ահաբեկչի» կարգավիճակից10 փետրվարի 2011 - 13:06 AMT PanARMENIAN.Net - ԱՄՆ անվտանգության համար առավել մեծ վտանգ է ներկայացնում եմենցի ահաբեկիչ Անվար ալ Ավլակին, հայտարարել է ԱՄՆ Ազգային հակաահաբեկչական կենտրոնի ղեկավար (National Counterrorism Center - NCTC) Մայքլ Լեյտերը, հաղորդում է AFP-ն: Հանդես գալով ԱՄՆ Կոնգրեսում` Լեյտերը պատմել է, որ Օսամա բեն Լադենի գլխավորած «Ալ Քաիդայի» ճյուղը, որը հիմնվել է Պակիստանում, վերջին ժամանակներն էապես թուլացել է ԱՄՆ բանակի հարձակումներից, առաջին հերթին` անօդաչու ինքնաթիռների հարձակումներից: Ավելի վաղ Օսամա բեն Լադենին, որին ամերիկյան իշխանությունները պատասխանատու են համարում 2001-ի սեպտեմբերի 11-ի ահաբեկչության համար, բազմիցս անվանել են «թիվ մեկ ահաբեկիչ»: Նա մտնում է ՀԴԲ ամենահետախուզվող ահաբեկիչների տասնյակի մեջ: Մայքլ Լեյտերը նշել է, որ Անվար ալ Ավլակին և եմենյան «Ալ Քաիդան» հատուկ սպառնալիք են ներկայացնում այն պատճառով, որ ընդունակ են ներգրավել մարդկանց, այդ թվում` ԱՄՆ տարածքում: NCTC ղեկավարը խոստովանել է ալ Ավլակիի հաջողությունները «նորարարություններում», որոնք բարդացնում են իրենց աշխատանքը: Նա նշել է, որ եմենյան ահաբեկիչների առաջնորդը տիրապետում է անգլերենի և հմտորեն կիրառում է ինտերնետի հնարավորություններն իր գաղափարների քարոզչության համար: «Նա անմիջականորեն խոսում է նրանց հետ, ով այստեղ է ապրում »,- հավելել է Լեյտերը:
Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |