  Կոնգրեսի քաղաքական կամքը չբավարարեց Ցեղասպանության մասին բանաձևն ընդունելու համար 27 ապրիլի 2011 - 09:34 AMT PanARMENIAN.Net - Ներկայացուցիչների պալատում դեմոկրատական փոքրամասնության առաջնորդներ Նենսի Փելոսին և Սթենի Հոյերը հանդես են եկել հայտարարությամբ, որում բացատրել են, թե ինչու քվեարկության չեն առաջադրել Հայոց ցեղասպանության մասին 252 բանաձևը 111 Կոնգրեսի աշխատանքի ժամանակ: Կոնգրեսականները, մասնավորապես, հայտարարել են, որ բանաձևի ընդունման համար պակասում էր ԱՄՆ Կոնգրեսի երկու կուսակցությունների մեծամասնությունը: «Մենք գնահատում ենք Նենսի Փելոսիի և Սթենի Հոյերի վաղեմի բարեկամությունը հայ համայնքի հետ և մեր երախտագիտությունը հայտնում անցյալում Հայոց ցեղասպանության մասին բանաձևի ընդունմանը նրանց աջակցության համար: Սակայն մենք չենք կիսում Փելոսիի և Հոյերի տեսակետն այն մասին, որ բանաձևի վերաբերյալ քվեարկության համար անցյալ տարի պակասում էր ԱՄՆ Կոնգրեսի երկու կուսակցությունների մեծամասնությունը»,- հայտնել է Ամերիկայի Հայ Դատի Հանձնախմբի (ANCA) գործադիր տնօրեն Արամ Համբարյանը: Նրա խոսքով, Պալատի ղեկավարությունը հնարավորություն ուներ քվեարկության դնել բանաձևը, և փաստաթուղթը կընդունվեր: «Այնուամենայնիվ, նրանք որոշեցին այդ կարևոր հարցի շուրջ քվեարկություն չանցկացնել: Եթե նրանք քաղաքական կամք դրսևորեին, ապա մեծամասնությունն ապահովված կլիներ, և Ամերիկան իսկապես ճշմարտության կողմը կդառնար»,- ընդգծել է Համբարյանը: Հայոց ցեղասպանության մասին 252 բանաձևը Ներկայացուցիչների պալատին ներկայացվեց 2010 թվականի հունվարի 31-ին:: Մարտի 4-ին այն հավանության արժանացավ արտաքին գործերի պրոֆիլային կոմիտեում: Սակայն Նենսի Փելոսին բանաձևը քվեարկության չդրեց 111 Կոնգրեսի աշխատանքի վերջին օրերին:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
