Արայիկ Սարգսյան. Հայաստանին ձեռնտու է լավ գործընկեր ունենալ Բալկաններում` ի դեմս Մակեդոնիայի

Արայիկ Սարգսյան. Հայաստանին ձեռնտու է լավ գործընկեր ունենալ Բալկաններում` ի դեմս Մակեդոնիայի

PanARMENIAN.Net - Հայաստանում Մակեդոնիայի Հանրապետության նորանշանակ պատվավոր հյուպատոս Արայիկ Սարգսյանը ապրիլի 14-ին կայացած մամլո ասուլիսում ընդգծել է, որ կանի ամեն հնարավոր բան երկկողմ կապերի զարգացման և ամրապնդման համար: Նրա խոսքով` Հայաստանին ձեռնտու կլինի լավ գործընկեր ունենալ Բալկաններում և հակառակը` Մակեդոնիային` Հարավային Կովկասում: Հյուպատոսը հաղորդել է, որ ինքը մի քանի անգամ եղել է Բալկաններում և տեղյակ է տարածաշրջանում տիրող իրադրության մասին: Նա նկատել է նաև, որ մակեդոնական կողմը պաշտոնապես դիմել է հայկական իշխանություններին Սարգսյանին Հայաստանի Հանրապետությունում Պատվավոր հյուպատոս նշանակելու մասին: Նրա խոսքով Հայաստանի և Մակեդոնիայի միջև կապին սկիզբ է դրվել դեռևս հնում` Ալեքսանդր Մակեդոնացու օրոք, և արժե օգտագործել պատմական փորձը ժամանակակից հարաբերություններում:

 Ուշագրավ
Ռուսաստանը, նախաձեռնելով այս նախագիծը, ավելի մեծ պատախանատվություն է ստանձնում, քան ԵՄ-ն՝ առաջարկելով ասոցացման ծրագիրը, ասվում է զեկույցում
97 կողմ և առանց դեմ ու ձեռնպահ ձայների երկրորդ ընթերցմամբ ընդունվել է նաև «Սահմանամերձ համայնքների սոցիալական աջակցության մասին» օրենքի նախագիծը
Կստեղծվի միջազգային տնտեսական ինտեգրման և բարեփոխումների նախարարություն
Փարիզյան ելույթով Էրդողանը կարծես վերջ դրեց ապրիլին սկսված խաղին, որտեղ փորձում էր հաշտեցման եզրեր գտնել ու Ցեղասպանության մեղքի մի մասն էլ բարդել հայերի վրա