Արայիկ Սարգսյան. Մակեդոնիան կհասնի իր անվան միջազգային ճանաչմանը

PanARMENIAN.Net - Այսօր` ապրիլի 14-ին, Երևանում կայացած մամլո ասուլիսում Հայաստանում Մակեդոնիայի Հանրապետության նորանշանակ պատվավոր հյուպատոս Արայիկ Սարգսյանը, պատասխանելով PanARMENIAN.Net ի թղթակցի հարցին «Մակեդոնիա» անունը տնօրինելու իրավունքի համար Հունաստանի և մակեդոնական հանրապետության միջև վեճի ընթացքի մասին` ասել է, որ գործընթացն արդեն շատ վաղուց է շարունակվում, իսկ վերջին առաջարկը «հյուսիսային» ածականի ավելացումն էր երկրի անվանմանը: Սարգսյանն ընդգծել է, որ չնայած դրան, մոտ ժամանակներս հարցը կլուծվի, քանի որ սնանկության եզրին գտնվող Հունաստանը վաճառում է ամեն հնարավոր բան, այդ թվում և մշակութային ժառանգությունը: Հետևելով այդ տրամաբանությանը` կարելի է եզրակացնել, որ մոտ ապագայում Մակեդոնիայի Հանրապետությունը միջազգային մակարդակով կսեփականացնի «Մակեդոնիա» անվանումը, և հարցը կփակվի:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---