Ստեփան Սաֆարյան. «Ժառանգության» նախընտրական ծրագրի նպատակը նոր Հայաստան ստեղծելն է19 ապրիլի 2012 - 13:36 AMT PanARMENIAN.Net - Գալիք ընտրություններում «Ժառանգության» նախընտրական ծրագրի նպատակը նոր Հայաստանի ստեղծումն է: Այս մասին Երևանում կայացած մամուլի ասուլիսի ժամանակ հայտարարել է «Ժառանգություն» խմբակցության ղեկավար Ստեփան Սաֆարյանը: «Իշխանափոխությունը դեռևս խնդրի լուծում չէ, անհրաժեշտ է համակարգի փոփոխություն»,-ընդգծել է նա: Սաֆարյանը քննադատել է երկրում ներկայումս տիրող իրավիճակը և հավելել, որ ըստ «Ժառանգության», շեշտը պետք է դրվի մարդու իրավունքների, երկրի ինքնիշխանության և ազգային շահերի վրա: « Ժառանգության» ծրագիրը վերաբերում է այնպիսի Հայաստանի, որտեղ ոչ թե քաղաքացին է պետության համար, այլ պետությունն է քաղաքացու համար»,-ընդգծել է նա: Ինչ վերաբերում է լրագրողների այն դիտողությանը, որ բոլոր կուսակցությունների նախընտրական ծրագրերն էլ նման են, «Ժառանգության» մամուլի քարտուղար Հովսեփ Խուրշուդյանը խոստովանել է դա, սակայն ճիշտ ընտրության համար նա հասարակությանը խորհուրդ է տվել համեմատել կուսակցության հայտարարությունները նրա գործողությունների հետ: «Բառերն ու խոսքը երբեմն խիստ տարբերվում են»,-նկատել է նա: Խորհրդարանական ընտրությունները Հայաստանում տեղի կունենան մայիսի 6-ին: Ընտրություններին մասնակցում են ութ քաղաքական ուժեր՝ ՀՀԿ, ԲՀԿ, ՀՅԴ, ՕԵԿ-ը, «Ժառանգությունը», Հայաստանի դեմոկրատական կուսակցությունը, Կոմունիստական կուսակցությունը, «Միավորված հայեր» կուսակցությունը և մեկ նախընտրական դաշինք ի դեմս ՀԱԿ-ի: Ընտրությունների նախօրեին «Ժառանգությունը» միավորվել է մեկ այլ ընդդիմադիր կուսակցության` «Ազատ դեմոկրատների» հետ, որի ներկայացուցիչները ներառվել են «Ժառանգության» ընտրացուցակում: Ցուցակը գլխավորում են «Ժառանգության» առաջնորդ Րաֆֆի Հովհաննիսյանը, «Ազատ դեմոկրատների» առաջնորդ Խաչատուր Քոքոբելյանը, պատգամավոր Զարուհի Փոստանջյանը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |