ՎՐԱՍՏԱՆԻ ՎԱՐՉԱՊԵՏԸ ՀՊԱՐՏ Է, ՈՐ ԻՐ ՄԱՅՐԸ ՀԱՅՈՒՀԻ Է

PanARMENIAN.Net - Իմ մայրն ազգությամբ հայուհի է, եւ ես միշտ հպարտությամբ եմ խոսելու այդ մասին: Այդ մասին այսօր խորհրդարանում հայտարարել է Վրաստանի վարչապետ Զուրաբ Ժվանիան` պատասխանելով կառավարության անդամներին ուղղված պատգամավոր Գոչա Պիպիայի պահանջին` հայտնել իրենց եւ իրենց ծնողների ազգության, ինչպես նաեւ կրոնական պատկանելության մասին: Ինչպես հաղորդում են վրացական աղբյուրները, Պիպիայի ելույթը վրդովմունք է առաջացրել խորհրդարանի եւ կառավարության ղեկավարության շրջանում, որոնք պատգամավորի նման արտահայտությունները որակել են որպես հակասահմանադրական: Ի նշան բողոքի Վրաստանի կառավարության անդամները լքել են խորհրդարանի նիստերի դահլիճը: Իսկ Զուրաբ Ժվանիան հայտարարել է, որ «ամոթով է հիշելու այն, որ Վրաստանի խորհրդարանում նման հարց է բարձրացվել»:
 Ուշագրավ
Նրանք Չինաստանի քաղաքացիներ են
Այժմ վարակվածների թիվը հասել է 5999-ի, ևս 9239-ի մոտ կասկածվում է հիվանդությունը, 132 մարդ մահացել է, 104-ը՝ բուժվել
Գիտնականներն ասում են, որ Համաշխարհային օվկիանոսի տաքացումը վկայում է կլիմայի փոփոխության արագանալու մասին
Ավելի վաղ արքայազն Հարիին և նրա կինը հայտնել էին, որ մտադիր են ֆինանսական ինքնուրույնության հասնել առանց թագավորական արտոնությունների