 Ներկայիս ադրբեջանական վարչակազմը շարունակում է նախկին ղեկավարության` պատմական փաստերի խեղաթյուրման քաղաքականությունը 18 մայիսի 2012 - 18:43 AMT PanARMENIAN.Net - Հայաստանի քաղաքական գիտության ասոցիացիայի նախագահ, քաղաքական գիտությունների դոկտոր Հայկ Քոթանջյանը տարածել է Ասոցիացիայի խորհրդի հայտարարությունը, որտեղ մասնավորապես ասվում է. «2012 թ. մայիսի 11-ին` ԵԱՀԿ Մինսկի խմբի համանախագահների Բաքու կատարած վերջին այցելության օրը, Ադրբեջանի նախագահի աշխատակազմի հասարակական-քաղաքական հարցերի սեկտորի վարիչ Ֆուադ Ախունդովը հանդես է եկել մի հայտարարությամբ, որում նշել է, որ ներկայիս Հայաստանը ստեղծվել է Ադրբեջանի պատմական տարածքների վրա, և Հայաստանի իշխանություններին մեղադրել է Հայաստանի տարածքում գտնվող «ադրբեջանական պատմամշակութային, հոգևոր ու ճարտարապետական ժառանգության նմուշների» ոչնչացման մեջ: Ադրբեջանցի պաշտոնյան նաև շեշտել է, որ պատմական փաստերը, հին աղբյուրները և աշխարհագրական քարտեզները ապացուցում են, որ Կովկասում Հայաստան պետություն երբեք գոյություն չի ունեցել: Ներկայիս ադրբեջանական վարչակազմը շարունակում է Ադրբեջանի նախկին ղեկավարության` պատմական փաստերի խեղաթյուրման քաղաքականությունը, որը հենված է ակնհայտորեն հակագիտական մոտեցումների վրա: Հաշվի առնելով այն հանգամանքը, որ Ադրբեջանում տիրող վարչակարգը բռնակալական բնույթի է, Քաղաքական գիտության Հայաստանի ասոցիացիան համոզված է, որ Ախունդովի հայտարարությունը արվել է Ադրբեջանի նախագահի իմացությամբ: Ուստի Ասոցիացիան այդ հայտարարությունը գնահատում է որպես Հայաստանի Հանրապետության դեմ ուղղված անթաքույց տարածքային ոտնձգության փորձ և Ադրբեջանի իշխանությունների կանխամտածված սադրանք` ուղղված Մինսկի խմբի վարկաբեկմանը և տարածաշրջանում հաստատված կայունության խաթարմանը: Նման հայտարարությունները խափանում են հակամարտության կողմերի միջև վստահության մթնոլորտի ձևավորման ուղղությամբ միջազգային հանրության գործադրվող ջանքերը, նախադրյալներ են ստեղծում հարևանների նկատմամբ նոր ագրեսիայի արդարացման համար, հերթական անգամ հարցականի տակ են դնում Ադրբեջանի իշխանությունների ստանձնած միջազգային պարտավորությունների կատարումը և ցուցադրում բանակցային գործընթացում Ադրբեջանի իշխանությունների որդեգրած ոչ կառուցողական դիրքորոշումը»:   Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում   Ամենաընթերցվողը բաժնում |  Վերջին լուրեր Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը  Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարելFastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստումGRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականըՍենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |
