Սիրիայից հայերի մեծ հոսք դեպի Հայաստան չի լինի, գտնում է արաբագետ Սուրեն Մանուկյանը

Սիրիայից հայերի մեծ հոսք դեպի Հայաստան չի լինի, գտնում է արաբագետ Սուրեն Մանուկյանը

PanARMENIAN.Net - Սիրիահայերի մեծ հոսք դեպի Հայաստան չի լինի, մամլո ասուլիսի ժամանակ ասաց արաբագետ Սուրեն Մանուկյանը: Նրա կարծիքով Սիրիայի հայ համայնքը միանգամից չի գա Հայաստան, նրանք այնտեղ ունեն կուտակած կապեր, սեփական բիզնես և այլն: Բացի այդ, ըստ արաբագետի, Սիրիան բազմաթիվ ճգնաժամեր է տեսել, իսկ այնտեղի հայկական համայնքը միշտ իշխանությունների հետ համագործակցության եզրեր է գտել: Այդ իսկ պատճառով մասնագետը գտնում է , որ որոշակի հոսք կլինի, բայց չի գերազանցի 2 հազարը: Նա գտնում է, որ Հայաստանը կարող է և պարտավոր է պատրաստ լինել դրան, բայց և շատ լավ պայմաններ չի կարող ապահովել նրանց համար:

Մանուկյանը կարծում է, որ շաբաթական մեկ անգամ պետք է պատվիրակություն ուղարկել այնտեղ, հանդիպել հայ համայնքի հետ, որ նրանք զգան, որ թիկունք ունեն: Ի տարբերություն շատ ազգային փոքրամասնությունների, նրանք ունեն հայրենիք, չի փակվել հայկական դեսպանությունն ու հյուպատոսությունը: Իսկ ինչ վերաբերում է սիրիահայերի Հայաստանի քաղաքացիություն ստանալու դիմումներին, ապա արաբագետի կարծիքով, նրանց դա պետք է Եվրոպական Միության երկրներ վիզա ստանալու համար: Նրա խոսքով, սիրիական անձնագրով դա շատ ավելի դժվար է, քան հայկական անձնագրով:

Արաբեգետը գնտում է, որ Սիրիան արտաքին հույս ունի միայն Ռուսաստանից, քանի որ Չինաստանը միայնակ դուրս չի գա ԱՄՆ-ի դեմ:

Ինչ վերաբերում է հայերին, ապա, ըստ Մանուկյանի, նրանք պաշտպանում են ներկա նախագահ Բաշար Ասադին և դա բնական է, քանի որ նրա օրոք հայ համայնքը մեծ արտոնություններ է ստացել և դա երախտագիտության նշան է:

Մասնագետը նաև գտնում է, որ Սիրիայի իրավիճակը զուտ ներքին հակամարտություն չէ և ընդդիմությունը հսկայական աջակցություն է ստանում դրսից: Այլապես այդ հարցը մեկ շաբաթում կլուծվեր:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---