Թուրքիայի նոր սահմանադրությունն ավելի բարենպաստ կլինի հայերի համար, կարծում է Վահրամ Տեր-Մաթևոսյանը

Թուրքիայի նոր սահմանադրությունն ավելի բարենպաստ կլինի հայերի համար, կարծում է Վահրամ Տեր-Մաթևոսյանը

PanARMENIAN.Net - Թուրքիայի նոր սահմանադրությունն ավելի բարենպաստ կլինի հայերի և երկրի այլ կրոնական փոքրամասնությունների համար, կարծում է ՀՀ ԳԱԱ Արևելագիտության ինստիտուտի ավագ գիտաշխատող Վահրամ Տեր-Մաթևոսյանը: Նա նշել է, որ սահմանադրական հանձնաժողովի ներկայացուցիչները հանդիպել են Թուրքիայի հայ համայնքի հետ և լսել նրա կարծիքները ու պահանջները:

Միաժամանակ փորձագետը նշել է, որ դա վերաբերվել է ոչ միայն հայ համայնքին, և որ բոլոր ազգային և կրոնական փոքրամասնությունների հետ հանձնաժողովն անցկացրել է շատ թափանցիկ աշխատանք: «Հուսով ենք, որ նոր սահմանադրությունում առաջընթաց կլինի գոնե ազգային ինքնության հարցում»,- ասել է նա և հիշեցրել, որ թուրքական սահմանադրությունում չկա ազգային փոքրամասնությունը բնորոշումը, այլ միայն կրոնական փոքրամասնություն:

Տեր-Մաթևոսյանը նաև շոշափել է Հայաստանի քաղաքացիների խնդիրը, ովքեր անօրինական բնակվում են Թուրքիայում և փաստացի ոչ մի իրավունք չունեն: «Ես կարծում եմ, որ եթե նոր սահմանադրությունը ձևավորվի և դրան համապատասխան լիբերալիզացվեն օրենսդրական և ենթաօրենսդրական ակտերը, ապա կբարելավվի հայ համայնքի և Հայաստանի քաղաքացիների դրությունը, նրանք կկարողանան ավելի ազատ այցելել Թուրքիա և ստանալ աշխատանքի իրավունք»,- ասել է նա:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---