Լ. Ալավերդյան. Ադրբեջանը Սաֆարովի գործում ցանկանում է օգտվել Հունգարիայի տնտեսական ճգնաժամից30 օգոստոսի 2012 - 14:23 AMT PanARMENIAN.Net - Ադրբեջանը փորձում է օգտվել Հունգարայի ծանր տնտեսական դրությունից և ֆինանսական օգնություն տրամադրելու միջոցով հասնել հայ սպային սպանած Ռամիլ Սաֆարովին ազատ արձակելուն: Այդ մասին Երևանում մամլո ասուլիսում հայտարարել է «Ընդդեմ իրավական կամայականության» ՀԿ-ի ղեկավար, Հայաստանի առաջին օմբուդսմեն Լարիսա Ալավերդյանը` մեկնաբանելով Սաֆարովին հանձնելու գործընթացը սկսելու մասին տեղեկատվությունը: Նրա խոսքով, իրենց վերլուծության համաձայն, Սաֆարովին Հունգարիայից Ադրբեջանին հանձնելու հավանակությունը միջինից բարձր է: «Հունգարիայում սկսվել են բացասական քաղաքական զարգացումներ, սկսած ժողովրդավարությունից ավտորիտարիզմի անցում կատարելուց, ավարտած բավական աղետալի տնտեսական իրավիճակով»,- ասել է նա: Դրա հետ կապված Ալավերդյանը նշել է, որ որոշ ԶԼՄ-ներում հայտնվել է տեղեկատվություն, որ Ադրբեջանը ցանկանում է ֆինանսապես օգնել Հունգարիային` 2-3 մլրդ դոլարով գնելով նրա պետական արժեթղթերը: «Պետք է նշել, որ Ադրբեջանի կոռուպցիոն գործունեությունը տեղ է գտել համաշխարհային և եվրոպական կառույցների զեկույցներում, և մենք հիմքեր ունենք հայտարարելու, որ նման գործընթացները չեն կարող լինել հանգամանքների պարզ դասավորություն»,- նշել է նա: Ալավերդյանը հավելել է, որ Հունգարիայի քաղաքական վերնախավը Թուրքիայի միջնորդությամբ անարժան հարաբերությունների մեջ է Ադրբեջանի հետ և նշել, որ Եվրոպայում նույնպես կասկածներ կան, որ «այդ գործարքի ետևում ավելին կա, քան տնտեսական օգնությունը» 2004թ. փետրվարի 19-ին լեյտենանտ Գուրգեն Մարգարյանը Բուդապեշտում գազանաբար կացնահարվեց ադրբեջանցի սպա, ավագ լեյտենանտ Ռամիլ Սաֆարովի կողմից: Երկուսն էլ Բուդապեշտում մասնակցում էին ՆԱՏՕ-ի «Գործընկերություն հանուն խաղաղության» ծրագրի շրջանակներում կազմակերպված անգլերեն լեզվի դասընթացներին: 2006թ. ապրիլի 13-ին մարդասպանը Բուդապեշտում դատապարտվեց ցմահ բանտարկության՝ 30 տարվա ընթացքում առանց ներման իրավունքի: Հայաստանի նախագահ Ռոբերտ Քոչարյանի հրամանագրով Գուրգեն Մարգարյանը 2005թ. փետրվարի 19-ին հետմահու պարգևատրվեց «Արիության համար» մեդալով՝ ծառայության ընթացքում դրսևորած արիության ու ինքնազոհողության համար: Ինչպես օրերս հայտնել է Հայոց ցեղասպանության թանգարանի տնօրեն Հայկ Դեմոյանը, Սաֆարովի գործը բացահայտում է հայ-ադրբեջանական հարաբերությունների ևս մեկ կարևոր ասպեկտ, այն է, որ ադրբեջանցի սպաները ուսոցում են անցնում Թուրքիայի հատուկ ջոկատներում, որոնք գտնվում են գրավյալ Հյուսիսային Կիպրոսի տարածքում: «Ի՞նչ են անում ադրբեջանցի սպաները Կիպրոսում: Նրանց այնտեղ սովորեցնում են սպանել, դա պարզ է դառնում Սաֆարովի գործողություններից, որը նախապես կացին էր գնել, սրել էր այն ու ի վերջո կացնահարել հայ զինվորականին»,-հավելել է նա: Ինչպես նշել է Դեմոյանը, Սաֆարովի գործում մեծ դերակատարություն ունեցավ դատավոր Անդրեա Վասկուտտին, որը «կարողացավ հասնել դատապարտյալի արդարացի դատական փորձաքննությանը, որի արդյունքում ապացուցվեց, որ Սաֆարովը մեղսունակ է և կանխամտածված է կատարել սպանությունը»: Վերջում Դեմոյանը հայտարարեց, որ «Սաֆարովի դատավճիռը Ադրբեջանի ղեկավարության դատավճիռն է: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |