 Ա. Իսկանդարյան. Հունգարիան հաշվի էր առել Հայաստանի արձագանքը, բայց Բաքվի առաջարկը գերակշռեց 1 սեպտեմբերի 2012 - 15:03 AMT PanARMENIAN.Net - Որոշում կայացնելով Ռամիլ Սաֆարովին Ադրբեջանին արտահանձնելու մասին՝ Հունգարիայի իշխանությունները հաշվի առել էին Հայաստանի արձագանքը, և այն, որ այդ որոշումը կհարվածի ոչ միայն Ադրբեջանին, այլ նաև Հունգարիային, սակայն «հուսով են, որ դուրս կգան դրա տակից»: Այդ մասին Երևանում կայացած մամլո ասուլիսում հայտարարել է «Կովկասի» ինստիտուտի տնօրեն, քաղաքագետ Ալեքսանդր Իսկանդարյանը: «Այդ արձագանքը հնարավոր չէր հաշվի չառնել…Նշանակում է, այն, ինչ առաջարկվել էր Հունգարիային, գերակշռեց այն, ինչ ակնկալվում էր, որպես արձագանք»,-ասել է նա: Ըստ Իսկանդարյանի, նա չի հավատում Հունգարիայի պաշտոնյաների այն հայտարարություններին, թե նրանք հավատացին Ադրբեջանին, որ Սաֆարովին ազատ չեն արձակի, «քանի որ նրանք հասկանում էին, որ արտահանձնումից անմիջապես հետո Սաֆարովը ազատ կարձակվի»: Նա նշեց, որ Հունգարիայում շատ ծանր տնտեսական իրավիճակ է, ինչն իր ազդեցությունն է թողել Հունգարիայի որոշման վրա: Ինչ վերաբերում է Հայաստանի և միջազգային հանրության պատասխան քայլերին Հունգարիայի հանդեպ, ապա նրանք չեն կարող ճնշում գործադրել Բուդապեշտի վրա, կարող են միայն դատապարտել, թեև դա կոնկրետ արդյունքի չի հանգեցնի և Սաֆարովին հետ Հունգարիա չի վերադարձնի: Իսկանդարյանը կարծիք է հայտնել նաև, որ դժվար թե ողջ համաշխարհային հանրությունը միանա Հունգարիայի դատապարտմանը՝ նշելով, որ «աշխարհը չի սահմանափակվում Ատլանտյան օվկիանոսի հյուսիսային ափով»:   Գուրգեն Մարգարյան 2004 թ. փետրվարի 19-ին ադրբեջանցի սպա Ռամիլ Սաֆարովը գիշերը կացնահարում է Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի ,Գործընկերություն հանուն խաղաղությանե ծրագրի շրջանակներում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ես ափսոսում եմ, որ ոչ մի հայ մինչ այժմ չեմ սպանել...Բանակն ինձ գործուղեց այս դասընթացներին, եւ այստեղ ես իմացա, որ մեզ հետ դասընթացներում նաեւ երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարեւում էինք, այսինքն` նրանք էին բարեւում, սակայն ես չէի պատասխանում: Սպանության պատճառն այն է, որ նրանք անցան մեր մոտով եւ ժպտացին մեր երեսին: Այդ պահին ես որոշեցի սպանել նրանց, այսինքն լուսադեմին կտրել նրանց գլուխները»: Partner news  Ուշագրավ ԱԳ նախարարն ընդունել է ԵԱՀԿ Մինսկի խմբի համանախագահներին ՀՀԿ խմբակցության ղեկավարն ԱԺ ամբիոնից պատասխանեց այս օրերին ընդդիմության ներկայացուցիչների հնչեցրած քննադատություններին «Եթե իշխանությունների մեջ կան մարդիկ, ովքեր այդպես չեն անի, մենք նրանցից պետք է ձերբազատվենք»,- ասաց նա Քննարկմանը հրավիրված են ԱԺ պատգամավորները, վարչապետը, Էներգետիկայի և բնական պաշարների նախարարը, ՀԾԿՀ նախագահ Ռոբերտ Նազարյանը   Partner news Ամենաընթերցվողը բաժնում |  Վերջին լուրեր Ոստիկանապետը` Արմավիրում. Ձեռնպահ մնացեք խնդիրները հակաօրինական ճանապարհով լուծելու մտքից  Վլադիմիր Գասպարյանը հանդիպել է Արմավիրի մարզի՝ ավերիչ կարկուտից տուժած համայնքների գյուղապետերի հետ8-րդ Դելփյան խաղեր. ՀՀ 8 մասնակիցները վերադարձել են նաև ոսկե մեդալներով Մայիսի 16-21-ը ՀՀ պատվիրակությունը մասնակցել է «Դելփյան-Նովոսիբիրսկ» խորագրով ԱՊՀ մասնակից երկրների 8-րդ երիտասարդական բաց «Դելփյան խաղերին»«Գեղարվեստական կրթության միջազգային շաբաթ» ծրագիրը մեկնարկել է Միջոցառումը ՅՈՒՆԵՍԿՕ-ի որոշմամբ իրականացվում է 2012 թվականից՝ յուրաքանչյուր տարվա մայիս ամսվա չորրորդ շաբաթվա ընթացքումԴատախազությունում էլեկտրոնային կառավարման համակարգը կներդրվի ՀԲ աջակցությամբ Աղվան Հովսեփյանն այսօր ընդունել է Համաշխարհային բանկի Երևանյան գրասենյակի ղեկավար Ժան Միշել Հապիին |
