Հունգարացի մտավորականները եկել են Երևան, որ ներողություն խնդրեն Սաֆարովի արտահանձման համար 9 հոկտեմբերի 2012 - 13:27 AMT PanARMENIAN.Net - 4 հունգարացի մտավորականներ՝ պատմաբան, քաղաքական վերլուծաբան Զոլտան Բիրոն, Ջոն Ուելսի անվան աստվածաբանական քոլեջի ռեկտոր Գաբոր Իվանյին, լրագրող, հրատարակիչ Գաբոր Դեակը և գրող Ռուդոլֆ Ունգվարին եկել են Հայաստան՝ ներողություն խնդրելու: Այսօր ասուլիսի ժամանակ նրանք հայտարարեցին. «Մենք չորսս կազմակերպել ենք այս ուղևորությունը, որպեսզի հայտնենք մեր և հունգար ժողովրդի մեծամասնության անհամաձայնությունը և դժգոհությունը մեր իշխանությունների՝ քնած զինվորականին սպանողին արտահանձնելու որոշումանը : Հունգար ժողովուրդի մեծամասնությունը միանշանակ բացասաբար ընդունեց այդ իրողությունը, բայց Հունգարիայում շատ խնդիրներ կան, և ամեն մեկը չէ, որ ակտիվ ու բարձրաձայն կարտահայտի իր դիրքորոշումը», - ասաց լրագրող, հրատարակիչ Գաբոր Դեակը: «Եկել ենք մեր ցավն ու ամոթն արտահայտելու», - ասաց աստվածաբանական քոլեջի ռեկտոր Գաբոր Իվանյին, - «Պաշտոնապես Հունգարիան նույնիսկ 1915թ. Ցեղասպանությունը չի ճանաչել : Այն տարիներին մեզ պետք էր Թուրքիայի աջակցությունը : Թուրքերի հետ սերտ շփումների արդյունքում էլ, երևի, հունգար որոշ պաշտոնյաներ նրանցից որոշ բաներ են սովորել : Իսկ արտահանձնումը թույլ տված վարչապետն ընդհանրապես հրաժարական պետք է տար» : Երկու տարուց Հունգարիայում ընտրություններ են: Մտավորականները վստահեցրին, որ վարչապետի այս քայլը նրա ու նրա քաղաքական թիմի դեմ են օգտագործելու : Անդրադառնալով Հայաստանի և հայերի կոշտ արձագանքին՝ դիվանագիտական հարաբերությունները դադարեցնելուն, կազմակերպված բողոքի ցույցերին և դրանց ժամանակ որոշ անհարգալից դրսևումների՝ մտավորականները ասացին, որ իրենք գիտակցում են, որ այդ քայլերն ուղղված են իշխանությունների դեմ : Մտավորականներն այցելելու են Ծիծեռնակաբեդ և Գուրգեն Մարգարյանի ընտանիքին: Հ.Գ. Ասուլիսի ժամանակ էլ բողոքի փոքրիկ «ցույց» եղավ : Տարեց մի մարդ, մի քանի րոպեով ընդհատեց ասուլիսը, բավական կոպիտ արտահայտվեց Հունգարիայի և Ադրբեջանի կառավարությունների հասցեին ու հեռացավ: Հունգարացիները լուռ լսեցին և ասացին, որ հասկանում են, որ այդ ցասումն ուղղված է ոչ թե հունգար ժողովրդի, այլ իշխանությունների դեմ : Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ Ամենաընթերցվողը բաժնում | ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ Միկոյան-Գալշոյան խաչմերուկում երթևեկությունը կփոփոխվի Փոփոխությունը կկատարվի փորձնական տարբերակով Ֆրանսիայի դեսպանն Ակադեմքաղաքի տարածքում էր․ Առաջնային է համարել հանրակացարանները, տրանսպորտը Այցելուների թվում էր նաև Հայաստանում ֆրանսիական համալսարանի ռեկտոր Սալվա Նակուզին Բաքուն Ռասմուսենին մեղադրում է ՆԱՏՕ–ի նախկին գլխավոր քարտուղարի «կարգավիճակը չարաշահելու» մեջ Ռասմուսենի խմբի զեկույցում ԵՄ–ին կոչ է արվել համարձակ քայլեր ձեռնարկելու և էական աջակցություն ցուցաբերել Հայաստանին |