«Հայազն». Հայաստանը պետք է դադարեցնի մասնակցությունը Եվրոպական միության «հարևանության» ծրագրին 5 դեկտեմբերի 2012 - 15:30 AMT PanARMENIAN.Net - «Հայազն» Միությունը այսօր հայտարարություն է տարածել, որտեղ խոսվում է այն մասին, որ Հայաստանի անկախության հետևողական պաշտպանների ձայնը քաղաքական դաշտում չի լսվում.«Վերջին ամիսներին Հայաստանի անկախությանը սպառնացող Եվրոպական (Արևմտյան) և Եվրասիական (Ռուսական) ներառման գործընթացները նոր ծավալ և խորություն են ստացել: Հայաստանի կառավարությունը հոժարությամբ, երբեմն էլ ստորաքարշությամբ մասնակցում է զույգ գործընթացներին էլ: Քաղաքական առկա վերնախավը իր հերթին բաժանված է միմյանց դեմ պայքարող ռուսամետ և եվրոպամետ հատվածների: Իսկ ահա Հայաստանի անկախության հետևողական պաշտպանների ձայնը քաղաքական դաշտում գրեթե չի լսվում: Մենք ականատես ենք, թե ինչպես է Մոսկվան փորձում իր շուրջը ձևավորել պետությունների նոր միություն` իր տնտեսական, ռազմական և այլ բաղադրիչներով: Փորձ է արվում Հայաստանին նույնպես ներքաշել նոր վերպետական կազմավորման մեջ` անհասկանալի ու Հայաստանին ոչ հարազատ աշխարհաքաղաքական գունավորումով և նպատակներով: Միևնույն ժամանակ Եվրամիությանն անդամագրվելուն ուղղված հետագա քայլերը, այդ թվում խորացող մասնակցությունը այսպես կոչված «հարևանության» ծրագրին, սպառնում են էապես սահմանափակել Հայաստանի ինքնիշխանությունն ու սեփական նպատակները հետապնդելու ազատությունը: Հայաստանը ոչ մի շահ և ընդհանուր խնդիր չունի ոչ Եվրոպական, ոչ Եվրասիական ինտեգրացիոն համայնքներում: Հայաստանին անհրաժեշտ է բացարձակ ինքնիշխանություն, սեփական առանձնահատուկ և բարդ հիմնախնդիրները լուծելու համար: Ասվածը, սակայն, ոչ մի դեպքում չի բացառում փոխշահավետ երկկողմ համագործակցությունը երկու ճամբարների երկրներից յուրաքանչյուրի հետ: Հակառակը, Հայաստանը պետք է խորացնի իր հարաբերությունները բոլոր բարեկամ և գործընկեր երկրների հետ, անկախ նրանց հատվածական պատկանելությունից: «Հայազն» միությունը, ղեկավարվելով իր քաղաքական-ծրագրային դրույթներով, հանդես է գալիս Հայաստանի չմիացման քաղաքականության օգտին, դատապարտում է ազգային ինքնիշխանության սահմանափակմանն ուղղված ցանկացած գործողություն, այդ թվում և առաջին հերթին դատապարտում է Հայաստանի անդամագրումը հատվածական վերպետական կազմավորմումների: Պահանջում ենք Հայաստանի կառավարությունից դադարեցնել մասնակցությունը Եվրոպական միության «հարևանության» ծրագրին և հստակ հայտարարել Եվրասիական և Եվրոպական միություններին չմիանալու մասին»,-ասված է հայտարարության մեջ: Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Լավրով․ ՀՀ–ին բոլորից ձեռնատու է ԵվրԱզԷՍ–ը, հաշված է Նա հավելել է, որ ՀՀ–ն, փոքր երկիր լինելով, շատ ավելի քիչ է տալիս, բայց բոլորին հավասար իրավունքներ ունի CFTJ-ը Ադրբեջանի դեմ Հաագայի դատարան դիմում է ներկայացրել՝ հայերի նկատմամբ ցեղասպան գործողությունների հետ կապված Դիմումը վերաբերում է Ադրբեջանի զինուժի գործողություններին Հհ տարածքում 2021 թվականին Ռուբեն Վարդանյանը 14 օր է` հացադուլ է անում. Պահանջում է բոլոր հայ բանտարկյալների անհապաղ ազատում Նրա ընտանիքը հայտարարել է, որ COP 29-ը չպետք է տեղի ունենա Ադրբեջանում, եթե իրենց պահանջները չկատարվեն ՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնում |