Հայաստանի Կենտրոնական ընտրական հանձնաժողովում մեկնարկել է նախագահի թեկնածուների առաջադրման փաստաթղթերի ընդունումը:

ԿԸՀ մամուլի ծառայությունից PanARMENIAN.Net-ին հայտնում են, որ համաձայն ՀՀ ընտրական օրենսգրքով սահմանված ժամկետի` Հանրապետության նախագահի թեկնածուի գրանցման համար անհրաժեշտ փաստաթղթերը ՀՀ կենտրոնական ընտրական հանձնաժողով են ներկայացվում դեկտեմբերի 25-ից մինչև հունվարի 4-ը:

«Ամանորի և Ծննդյան տոներին ՀՀ կենտրոնական ընտրական հանձնաժողովը և հանձնաժողովի աշխատակազմը աշխատելու է հերթափոխով` ամեն օր` 9.00 -18.00-ն»,- ասված է ԿԸՀ մամուլի ծառայության տարածած հաղորդագրության մեջ: