Սերգեյ Մինասյանը հույս ունի, որ Իվանիշվիլիի այցից հետո Չախալյանի գործով դրական փոփոխություն կլինի

Սերգեյ Մինասյանը հույս ունի, որ Իվանիշվիլիի այցից հետո Չախալյանի գործով դրական փոփոխություն կլինի

PanARMENIAN.Net - Բիձինա Իվանիշվիլիի այցը Երևան շատ կարևոր ազդեցություն կունենա ոչ միայն հայ-վրացական հարաբերությունների, այլ նաև տարածաշրջանային զարգացումների վրա: Այսօր լրագրողների հետ հանդիպման ժամանակ նման կարծիք հայտնեց Կովկասի ինստիտուտի փոխտնօրեն, քաղաքագետ Սերգեյ Մինասյանը:

«Վրացական նոր իշխանությունների ձգտումը՝ բարելավել ռուս-վրացական հարաբերությունները, դրականորեն կանդրադառնան նաև հայ-վրացական հարաբերությունների վրա»,- նկատեց քաղաքագետը:

Սերգեյ Մինասյանը նկատեց, որ վրաց-ադրբեջանական հարաբերություններում նույնպես որոշակի նոր դինամիկա կա: «Ադրբեջանում զգուշավոր են վերաբերվում հայ-վրացական հարաբերություններում վերջին զարգացումներին»,-ասաց Սերգեյ Մինասյանը:

Քաղաքագետն անդրադարձավ նաև Վրաստանում տեղի ունեցած համաներման գործընթացին: Նա նկատեց, որ արդեն ազատ են արձակվել վրացահայ 3 գործիչներ: «Ես հույս ունեմ, որ Իվանիշվիլիի այցից հետո դրական փոփոխություններ տեղի կունենան նաև Վահագն Չախալյանի գործի հետ կապված: Չեմ բացառում, որ նրան ազատ արձակեն այցի ընթացքում»,- եզրափակեց Սերգեյ Մինասյանը:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---