 Ընտրությունների վերաբերյալ Մեծ Բրիտանիայի դեսպանի բլոգային գրառումը ԱԳ նախարարը ոչ կոռեկտ է համարում 24 հունվարի 2013 - 15:13 AMT PanARMENIAN.Net - Հայաստանում Մեծ Բրիտանիայի դեսպան Քեթրին Լիչի իր բլոգում Հայաստանի գալիք նախագահական ընտրությունների վերաբերյալ կատարած գրառումը Հայաստանի արտաքին գործերի նախարար Էդվարդ Նալբանդյանը ոչ կոռեկտ է համարում: «Ընտրություններից առաջ դեսպանի մակարդակով ինչ-որ գնահատականներ տալ, թե ինչ է լինելու, չեմ կարծում, որ այդքան կոռեկտ է»,- այսօր լրագրողների հետ հանդիպման ժամանակ ասաց ԱԳ նախարարը: Ամեն դեպքում, Էդվարդ Նալբանդյանը կարծում է, որ դա դեսպանի որոշելու հարցն է: «Եթե ինքը որոշել է նման հայտարարություններ անել, ապա ինքը պետք է մտածի, թե ինչ արձագանքեր կարող են լինել հանրային կարծիքում և ինչպիսի տրամադրություններ կարող են ստեղծվել այդպիսի քայլերի վերաբերյալ»,- նկատեց նա: Հիշեցնենք, որ օրերս Մեծ Բրիտանիայի դեսպանը ընտրությունների վերաբերյալ մտահոգություններ էր հայտնել իր բլոգում այն մասին, որ խորհրդարանական ընդդիմադիր 3 ուժերից որևէ մեկը սեփական թեկնածուով չի մասնակցում ընտրություններին: «Ո՞րն է այս կուսակցությունների չմասնակցելու պատճառը՝ ֆինանսական խնդիրները, թե՞ արդար արդյունքի նկատմամբ հավատի բացակայությունը կամ գուցե դրանք իրականում այդքան էլ ընդդիմադիր չեն, որքան մենք ենք պատկերացնում»,- գրել էր դեսպանը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
