ԱՊՀ դիտորդները սկսել են հանդիպել ՀՀ նախագահի թեկնածուների հետ30 հունվարի 2013 - 18:32 AMT PanARMENIAN.Net - ԱՊՀ դիտորդական առաքելությունը ՀՀ նախագահական ընտրություններում և նրա կենտրոնակայանը շարունակում են դիտարկել նախագահական ընտրությունները: Այդ մասին PanARMENIAN.Net ին են հայտնել ԱՊՀ դիտորդական առաքելության կենտրոնակայանում: Հունվարի 25-ին ԱՊՀ գործադիր քարտուղարի, Գործադիր կոմիտեի նախագահի տեղակալ Վլադիմիր Գարկունը հանդիպել է ոստիկանության ղեկավարության հետ, որի ընթացքում տեղեկացվել է ընտրացուցակների կազմման և հստակեցման աշխատանքների մասին, ինչպես նաև այն միջոցների վերաբերյալ, որ կիրառվում են հասարակական կարգի պահպանման համար: Գարկունը հանդիպել է նաև ԵԱՀԿ/ԺՀՄԻԳ առաքելության ղեկավար Հայդի Տելյավինիի հետ: Զրույցի ժամանակ կողմերը քննարկել են ընտրարշավի ընթացքը, պայմանավորվել են աշխատանքային շփումների մասին և ԱՊՀ ու ԵԱՀԿ/ԺՀՄԻԳ առաքելությունների ղեկավարների հանդիպման մասին 2013թ. փետրվարի 18-ին: Այցելելով Գյումրի՝ Գարկունը եղել է թիվ 35 ընտրատարածքում, որտեղ ծանոթացել է նրա աշխատանքին, փաստաթղթերին, զրուցել է հանձնաժողովի անդամների հետ: Հանդիպում է տեղի ունեցել Շիրակի մարզպետ Գիզիրյանի ու Գյումրիի քաղաքապետ Բալասանյանի հետ: Նրանք իրազեկել են Գարկունին ԸՕ շրջանակում ընթացող նախապատրաստական աշխատանքների մասին: ԱՊՀ երկարաժամկետ դիտորդները հանդիպել են նախագահության թեկնածուներ Րաֆֆի Հովհաննիսյանի և Արման Մելիքյանի նախընտրական շտաբի ղեկավարության հետ՝ քննարկելով ընտրարշավի ընթացքը: Աշխատանքը նախընտրական շտաբերի հետ և հանդիպումները թեկնածուների հետ կշարունակվեն: Առաքելությունը հետագայում ևս կիրազեկի իր գործունեության մասին: Այժմ դիտարկվում է նախընտրական քարոզարշավի լուսաբանումը ԶԼՄ-ներում: Կշարունակվի ընտրատարածքային և ընտրատեղամասային հանձնաժողովների աշխատանքի ուսումնասիրությունը: Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Տավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակը Գուտերեշը կոչ է արել Ադրբեջանին և ՀՀ–ին լուծել բոլոր հարցերը հարաբերությունների կարգավորման համար Գլխավոր քարտուղարն ուշադիր հետևել է Հայաստանի և Ադրբեջանի միջև հարաբերությունների կարգավորման գործընթացին Կլաարը հուսադրող է անվանել ՀՀ և Ադրբեջանի միջև սահմանազատման մեկնարկի մասին լուրը «ԵՄ–ն լիովին սատարում է բանակցային գործընթացին, որի նպատակը համապարփակ և կայուն կարգավորումն է»,–գրել է նա Բլինքենը՝ սահմանազատումը սկսելու մասին․ Կարևոր քայլ է «Մենք ողջունում ենք Ալամթիի 1991թ․ հռչակագիրը որպես հիմք ընդունելու որոշումը»,–գրել է նա |