Լիբանանում ՀՀ դեսպան. Հայ ժողովրդի հանդեպ իրականացված հանցագործության հետևանքները չեն վերացել 30 ապրիլի 2013 - 21:40 AMT PanARMENIAN.Net - Լիբանանում ՀՀ դեսպանությունում տեղի է ունեցել Հայոց Ցեղասպանության 98-րդ տարելիցին նվիրված հուշ-համերգ, որին ներկա են եղել Լիբանանի մշակույթի և արդյունաբերության նախարարներ Գաբի Լեյունը և Վրեժ Սապունջյանը, արտաքին գործերի և էմիգրանտների նախարար Ադնան Մանսուրի ներկայացուցիչ, դեսպան Ռոբերտ Նաումը, պետնախարար Փանոս Մանճյանը, Լիբանանի խորհրդարանի անդամներ Աբդել Լատիֆ էլ-Զեյնը և Ղասան Մխայբերը, Արթուր Նազարյանը, Ժան Օղասափյանը, Սերժ Դուրսագսյանը, Շանթ Չինչինյանը, Լիբանանում հավատարմագրված դեսպաններ, հայկական քաղաքական կուսակցությունների ղեկավարներ ու ներկայացուցիչներ, Լիբանանի հայոց թեմի առաջնորդ Գեղամ արքեպիսկոպոս Խաչերյանը, հոգևոր հայրեր: Միջոցառմանը բացման խոսքով հանդես է եկել Լիբանանում ՀՀ դեսպան Աշոտ Քոչարյանը: Նա իր խոսքում նշել է, որ 98 տարի հետո էլ հայ ժողովրդի հանդեպ իրականացված հանցագործության հետևանքները չեն վերացվել: Դեսպան Քոչարյանն ընդգծել է, որ մարդկության դեմ կատարված հանցագործությունները չունեն վաղեմության ժամկետ, որ Հայոց Ցեղասպանության ժխտումը ցեղասպանության շարունակություն է և պետք է խստիվ դատապարտվի մարդկության կողմից: Նա շնորհակալություն է հայտնել աշխարհի բոլոր երկրներին և կազմակերպություններին, մասնավորապես՝ Լիբանանին, որոնք ճանաչել են Հայոց ցեղասպանոթյունը: Դեսպան Քոչարյանը բարձր է գնահատել Լիբանանի Հայոց ցեղասպանության 100-ամյակի Կենտրոնական մարմնի արդյունավետ գործունեությունը և սերտ համագործակցությունը ՀՀ դեսպանության հետ: Դեսպանը շեշտել է, որ հայերը, որպես հավաքական ազգ և իբրև պետություն, շարունակելու են իրենց պայքարն աշխարհի տարբեր անկյուններում ցեղասպանության բոլոր դրսևորումները բացառելու ուղղությամբ: Հուշ-համերգին Արմինե Աբաջյան Բասմաջյանի, Թամար Հովհաննիսյանի, Ժաննա Սահակյանի, Տաթևիկ Արտինյանի, «Համազգայինի» երգչախմբերի ղեկավար և դուդուկահար Զաքար Քեշիշյանի, ջութակահարներ Արմեն և Աշոտ Ջենդերեջյանների, երգիչ Գևորգ Բեբեջյանի կատարմամբ հնչել են Ալեքսանդր Հարությունյանի, Առնո Բաբաջանյանի, Հենդելի, Բախի, Վիվալդիի, Վաժա Ազարաշվիլիի և Կոմիտասի ստեղծագործությունները: Երեկոյի ավարտին հյուրերն իրենց գրառումներն են թողել Ցեղասպանության զոհերի ոգեկոչման հուշամատյանում:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժե Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
