  Հակառակորդի գնդակից գիշերն Այգեպարում աղջիկ է վիրավորվել. Ադրբեջանցիները հետ չեն մնում՝ մենք էլ վիրավոր ունենք 24 հունվարի 2014 - 11:35 AMT PanARMENIAN.Net - Հունվարի 23-ից լույս 24-ի գիշերն ևս լարված էր հայ-ադրբեջանական սահմանին: Գիշերվանից տարածվող տեղեկությունները, որ հակառակորդը շարունակել է պարբերաբար ինտենսիվ կրակել, PanARMENIAN.Net ին հաստատեց ՊՆ մամուլի խոսնակ Արծրուն Հովհաննիսյանը: Ինտենսիվ է եղել կրակը նաև Տավուշի սահմանամերձ մի շարք գյուղերի՝ Ներքին Կարմիրաղբյուրի, Այգեպարի, Մովսեսի ու Չինարիի ուղղությամբ: Պառավաքարի գումարտակի հրամանատար Դավիթ Անիկյանի 16-ամյա դուստրը` Լիանան, վիրավորվել է Այգեպարի իրենց տանը նստած ոտքին ստացած հրազենային կրակոցից, աղջկան տեղափոխել են Բերդի հոսպիտալ, որտեղ վիրահատել են, գրում է «Անկախ»-ը: «Հակառակորդը նպատակաուղղված ինտենսիվ կրակում էր տներին, տանիքներին: Հետևում էինք, որ կրակոցներից հանկարծ հրդեհ չբռնկվի։ Այս պահին կրակոցները դադարել են»,- նշել են Այգեպարից, գրում է Ռազմ.info-ն: «Ներքիր Կարմիրաղբյուր» ֆեյսբուքյան էջի փոխանցմամբ էլ՝ մոտավորապես մինչև առավոտվա ժամը 05:00-ն գյուղը կրակահերթի տակ է եղել: Տուժածներ չկան, բայց մի շարք տների տանիքներ են վնասվել: Մինչև այդ Ներքին Կարմիրաղբյուրի գյուղապետ Մանվել Կամենդատյանը պատմել է, որ անվտանգության նկատառումներից ելնելով անջատել են գյուղի լույսերը: Գյուղապետի խոսքով` կրակոցներն այսօր ավելի ուժգին են. նախօրեին մեծմասամբ դիրքերի, գիշերը` գյուղի ուղղությամբ են: Իմիջիայլոց, ադրբեջանցիներն ևս հետ չմնացին ոտքի վիրավորմամբ բնակչի մասին տեղեկությունից: Արդեն առավոտյան տարածաշրջանային հեռուստատեսությամբ հայտնել են, որ «Թովուզի շրջանում հայկական կողմի բացած կրակից վիրավորվել է տեղի 37-ամյա բնակչուհին», ու, պատկերացրեց, ևս ոտքի վիրավորում է ստացել: Տեղեկության համաձայն, «կինը, պաշտպանվելով կրակից, գնում էր հարևանների տուն, երբ ոտքերի վիրավորում ստացավ: Նա հիվանդանոցում է, վիճակը բավարար է», գրում է Trend-ն ու հավելում, որ Ադրբեջանի ՊՆ-ն դեռևս պաշտոնական հայտարարություն չի արել: Հունվարի 19-ի լույս 20-ի գիշերը՝ ժամը 23:50-ից մինչև 00:15-ի սահմաններում, ղարաբաղա-ադրբեջանական հակամարտ զորքերի շփման գծի հյուսիսարևելյան (Ջրաբերդ) և հարավարևելյան (Կորգան) ուղղություններում հակառակորդը դիվերսիոն խմբերի ներթափանցման միաժամանակյա փորձեր էր արել, բռնկված փոխհրաձգության արդյունքում հակառակորդի կողմից ստացած հրազենային վիրավորումից՝ հյուսիսարևելյան ուղղությամբ տեղակայված մարտական դիրքում զոհվել էր կրտսեր սերժանտ Արմեն Հովհաննիսյանը:Ավելի ուշ նախագահ Բակո Սահակյանը հրամանագիր էր ստորագրել, համաձայն որի կրտսեր սերժանտ Արմեն Հովհաննիսյանին հետմահու պարգևատրվել էր «Արիության համար» մեդալով: Հայկական կողմը հայտարարել էր դիվերսիայի արդյունքում նաև ադրբեջանական կողմից զոհվածների ու վիրավորների մասին: Բայց Ադրբեջանի ՊՆ-ն հերքել էր թե դիվերսիայի փորձի, թե վիրավոների ու զոհերի մասին փաստը: Ինչպես և սպասվում էր, ադրբեջանական մամուլում սկսվեցին հաղորդագրություններ հայտնվել «դժբախտ պատահարների» հետևանքով վիրավորված զինծառայողների մասին: Հունվարի 22-ին մամուլի ասուլիսում նախարար Էդվարդ Նալբանդյանը, անդրադառնալով Ղարաբաղյան հիմնախնդրին, նշել էր, որ Ադրբեջանն արհամարում է ԵԱՀԿ ՄԽ համանախագահների՝ խաղաղության մասին կոչերը՝ ձևացնելով, թե վերջիններս այլ կարծիք ունեն, ու որ նրանց հայտարարություններն իրեն չեն վերաբերվում: Նախարարը նաև համոզված է, որ Ադրբեջանի ղեկավարությունն ամեն ինչ հասկանում է, բայց փորձում է իր ժողովրդի համար պատրանքնենր ստեղծել:Նալբանդյանը նշել էր նաև, որ հարցով բանակցությունները շարունակվում են: Արդեն այսօր՝ հունվարի 24-ին, Փարիզում նա կհանդիպի Ադրբեջանի արտաքին գերատեսչության ղեկավարին։ Հունվարի 20-ի՝ լույս 21-ի գիշերը ադրբեջանցիների բացած կրակից հայկական կողմից զոհեր չկային: ԼՀՂ ՊԲ մամուլի ծառայության տեղեկացմամբ, այդ գիշեր շփման գծի գրեթե բոլոր ուղղություններով ադրբեջանական զինուժը մոտ 240 անգամ խախտել է հրադադարի պահպանման ռեժիմը: Ավելի վաղ ԵԱՀԿ Մինսկի խմբի ամերիկացի համանախագահ Ջեյմս Ուորլիքն իր անհանգստությունն էր հայտնել շփման գծում միջադեպերի վերաբերյալ: Հունվարի 22-ի լույս 23-ի գիշերը հաճախակի կրակոցները հայ-ադրբեջանական սահմանին շարունակվել էին, հայկական կողմից զոհեր ու վիրավորներ չկային. Հունվարի 23-ի կառավարության նիստում վարչապետի խնդրանքով հարցին էր անդրադարձել նաև պաշտպանության նախարար Սեյրան Օհանյանը: Նա նշել էր, որ թշնամու կողմից կատարված դիվերսիոն գործողությունների անհաջող փորձերի ժամանակ ադրբեջանցիները կրել են զոհեր ու վիրավորներ, որից հետո հետ են քաշվել: Նախարարի խոսքով՝ դիրքերում կրակոցներով ու խուճապահար քայլերով արտահայտված լարվածություն կա, ու ոչ միայն ԼՂ-ի շփման գծում, այլև Հայաստանի հյուսիս-արևելյան շրջանում: Սերյան Օհանյանի հավաստմամբ՝ անկանոն կրակոցներին հայկական կողմը չի պատասխանում՝ միայն դիպուկահարների կրակոցներին. իրավիճակը վերահսկելի է:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
