  Զոհրաբյանը ԵԽԽՎ-ին կոչ է արել ԼՂՀ-ին ժողովրդավարության գործընկերոջ կարգավիճակ տալ 9 ապրիլի 2014 - 16:11 AMT PanARMENIAN.Net - Ստրասբուրգում ԵԽԽՎ լիագումար նիստում ԱԺ ԲՀԿ խմբակցության անդամ Նաիրա Զոհրաբյանը բարձրացրել է Լեռնային Ղարաբաղի խորհրդարանին ժողովրդավարության գործընկերոջ կարգավիճակ տալու հարցը: Զոհրաբյանն անընդունելի է համարել, որ չճանաչված Պաղեստինն ունի նման կարգավիճակ, իսկ ԼՂՀ-ն՝ ոչ: Նա պահանջել է նաև, որ ԵԽԽՎ-ում Արցախին առնչվող հարցերի քննարկումներին մասնակցեն նաև ԼՂՀ խորհրդարանի ներկայացուցիչները՝ հնարավորություն ստանալով հայտնել իրենց կարծիքը, ինչպես դա արվում է Կոսովոյի դեպքում: «Որևէ փաստարկված պատճառաբանություն, թե ինչու Պաղեստինի խորհրդարանը կարող է ստանալ նման կարգավիճակ, իսկ Լեռնային Ղարաբաղի հանրապետության խորհրդարանը՝ ոչ, չկա։ Երբ մենք ընդունում ենք, որ Կոսովոյին առնչվող հարցերի քննարկման ժամանակ այդ երկրի խորհրդարանի ներկայացուցիչները պետք է հրավիրվեն այդ քննարկումներին, ինչո՞ւ ենք խուսափում նույն մոտեցումը կիրառել նաև Լեռնային Ղարաբաղի դեպքում։ Դա կլիներ իրապես արդար որոշում»,- ասել է Զոհրաբյանը: Նաիրա Զոհրաբյանը նշել է, որ Լեռնային Ղարաբաղի հարցով ինչ-որ անհասկանալի ենթահանձնաժողով ստեղծելու փոխարեն անհրաժեշտ է հրավիրել այդ երկրի խորհրդարանի ներկայացուցիչներին, հայտնել է Tert.am-ը: 2011 թ. հոկտեմբերի 4-ին ԵԽԽՎ-ն ձայների մեծամասնությամբ ժողովրդավարության գործընկեր կարգավիճակը շնորհեց Պաղեստինին, ինչը հնարավորություն է տալիս նրա ներկայացուցիչներին ներկա լինել Վեհաժողովի նիստերին առանց ձայնի իրավունքի, նախագահի համաձայնությամբ հանդես գալ օրակարգում առաջարկությունների վերաբերյալ, ինչպես նաև ուղղումներ կատարել Վեհաժողովի փաստաթղթերի նախագծերում, հիմնարարներից բացի: Առաջինը ԵԽԽՎ-ում նման կարգավիճակ է ստացել Մարոկկոն: 2013 թ, մարտին Կոսովոյի ներկայացուցիչները իրավունք ստացան մասնակցելու ԵԽԽՎ նիստերին բոլոր այն դեպքերում, երբ Վեհաժողովի օրակարգում կլինի օրինակ՝ Կոսովոյին առնչվող կոնկրետ հարց։ Ինչպես այն ժամանակ հայտարարեց կառույցի նախագահ Ժան Կլոդ Մինյոնը, «մենք որոշեցինք, որ ԵԽԽՎ-ն պետք է ընդլայնի երկխոսությունը բացառապես բոլոր քաղաքական ուժերի ներկայացուցիչների հետ, որոնք ընտրվել են Կոսովոյի խորհրդարան: Կոսովոյի ընտրված ներկայացուցիչները կարող են մասնակցել եվրոպական հանձնաժողովների բոլոր նիստերին, ներառյալ դիտարկման հանձնաժողովի ու մյուս ստուգիչ մարմինների նիստերը», –պարզաբանեց Մինյոնը: Այդպիսով, Կոսովոյի ներկայացուցիչները կարող են հետևել նիստերի ընթացքին, բայց չեն կարող ելույթներ ունենալ ու քվեարկել:    Արցախի Հանրապետություն 1923թ., հաշվի չառնելով Լեռնային Ղարաբաղի բնակչության կարծիքը, ՌԿԿ(բ) Կովկասի բյուրոյի որոշմամբ Ադրբեջանական ԽՍՀ կազմում ստեղծվեց Լեռնային Ղարաբաղի ինքնավար մարզ:  Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժե Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
