Դիարբեքիրի հայկական եկեղեցում Սբ Զատկի պատարագ է մատուցվել

PanARMENIAN.Net - Դիարբեքիրի Սբ Կիրակոս եկեղեցում քահանա Գևորգ Չինարյանի գլխավորությամբ մատուցվել է սբ Հարության պատարագ: Ժամերգությանը ներկա էր Դիարբեքիրի նորընտիր քաղաքապետ Ֆիրաթ Անլին ու նախկին քաղաքապետ Աբդուլլահ Դեմիրբաշը:

Անցյալ տարի Կոստանդնուպոլսի պատրիարքությունը խիստ քննադատության էր ենթարկվել, քանի որ իր ներկայացուցչին չէր գործուղել հայկական եկեղեցում տեղի ունեցած Զատկի պատարագին: Ըստ Սբ Կիրակոս եկեղեցու հիմնադրամի խորհրդի անդամ Քենան Սարաֆի, պատարագին ներկա էր մոտ 1500 մարդ, գրում է The Armenian Weekly-ին:

Պատարագից հետո եկեղեցում բացվել է Դիլդիլյան եղբայրների լուսանկարների (1872-1923) «Հայկական ընտանիքի կորսված պատմության վկայությունները» ցուցահանդեսը:

Դիարբեքիրի Սբ Կիրակոս եկեղեցին վերականգնվել է 2011 թվականին: ՍաԹուրքիայում Վանա լճի Աղթամար կղզու Սբ Խաչից հետո վերականգնվածերկրորդ հայկական եկեղեցին է: ԱՅդ նպատակով Ստամբուլում բնակվող ծնունդով Դիարբեքիրից հայերը ստեղծել էին Սբ Կիրակոս հիմնադրամը: Եկեղեցու վերականգնման համար ծախսվել է 2,5 մլն դոլար: Այդ գումարի 70 տոկոսը հավաքել էր հայկական հիմնադրամը, մյուս մասը հատկացրել Դիարբեքիրի քաղաքապետարանը: