Նավթի գները մի փոքր աճել են ռեկորդային անկումից հետո15 դեկտեմբերի 2014 - 11:46 AMT PanARMENIAN.Net - Նավթի գները մի փոքր աճել են նախորդ շաբաթ սակարկությունների փակմանն արձանագրված ռեկորդային անկումից հետո: Նյու Յորքի էլեկտրոնային սակարկություններում Մոսկվայի ժամանակով 7:48-ին WTI հունվարյան ֆյուչերսների արժեքն աճել էր 0,43 դոլարով՝ հասնելով՝ 58,24 դոլարի մեկ բարելի դիմաց: Brent տեսակի նավթի հունվարյան ֆյուչերսները թանկացել են 0,20 դոլարով՝ հասնելով 62,05 դոլարի, հայտնում է Investing.com-ը: Brent-ի գինը ուրբաթ օրը փակմանը 61.85 դոլար էր մեկ բարելի դիմաց: Նավթի համաշխարհային սակագներն աճում են երկուշաբթի եվրոյի գոտու և ԱՄՆ-ի արդյունաբերությունում գործարար ակտիվության ցուցիչի վիճակագրության բարելավման սպասելիքների ֆոնին, հայտնում է ՌԻԱ Նովոստի գործակալությունը: Ակնկալվում է, որ դրական վիճակագրությունը կնպաստի կտրուկ նվազած գների աճին: ԱՄԷ էներգետիկայի նախարար Սուխաիլ ալ Մազուրին հայտարարել է, որ ՕՊԵԿ-ը չի նվազեցնի նավթի արդյունահանման քվոտաները, նույնիսկ եթե նավթի գինը նվազմ մինչև 40 դոլար մեկ բարելի համար: Ըստ նրա, նավթի համաշխարհային գները ցածր են այն մակարդակից, որը համապատասխանում է շուկայի հիմնական ցուցանիշներին: Սակայն, կարտելը մեկ բարելի արժեքն ինչ-որ որոշակի սահմանի հասցնելու նպատակ չունի և շտապ հանդիպումները գների վրա չեն ազդի, գրում է ՌԲԿ-ն: Արաբական Էմիրությունները որոշիչ դերակատարություն չունեն ՕՊԵԿ-ում, սակայն նման հայտարարությունները կարող են նպաստել սակագների էլ ավելի նվազմանը, նշում է պարբերականը: Նոյեմբերի 27-ին Վիեննայում տեղի ունեցավ ՕՊԵԿ հերթական գագաթնաժողովը, որի ժամանակ քննարկվեց նաև նավթի արդյունահանման քվոտաների նվազեցման հարցը: Գործող քվոտան օրական մոտ 30 մլն բարել է: Կազմակերպության որոշ անդամներ՝ Վենեսուելան կամ Իրանը, ինչպես նաև դիտորդի կարգավիճակ ունեցող Ռուսաստանը, փորձեցին պնդել, որ արդյունահանումը նվազեցվի՝ գների աճին նպաստելու համար: Արաբական երկրներն ավելի վաղ հայտարարել էին, թե մտադիր չեն նվազեցնել արդյունահանումը՝ Սաուդյան Արաբիան հայտարարել էր, որ պատրաստ է մեկ բարելի դիմաց 80 դոլար գնին երկու տարվա ընթացքում: Իսկ Քուվեյթը հայտարարել էր, որ պատրաստ է հանդուրժել նույնիսկ 76-77 դոլարը մեկ բարելի դիմաց: Գնանկման վրա ազդում է, մասնավորապես, ԱՄՆ-ում թերթաքարային նավթի արդյունահանման ծավալների աճն ու սպառման նվազումը: Գնանկումը ձեռնատու է արաբական երկրներին՝ նվազում է այլընտրանքային ամերիկյան թերթաքարային նավթի շահութաբերությունը, նոր-նոր պատժամիջոցներից ձերբազատվող Իրանի եկամուտներն են պակասում: Ավելի վաղ հայտարարվել էր, որ մեկ բարելի գնի նվազումը մեկ դոլարով կրճատում է Ռուսաստանի եկամուտը եկու միլիարդ դոլարից: Եվրոպան, հակառակը, գնանկումից շահում է: Եթե ցածր գները պահպանվեն, ԵՄ-ն մինչև 25 մլրդ դոլար կտնտեսի արդեն այս տարի, ներկրումը տարեսկզբից կազմել է 475 դոլար: Եթե նավթի գինը մեկ բարելի դիմաց շարունակի 80 դոլարի շեմից ցածր մնալ նաև 2015-ին, նավթի ներկրումը ԵՄ կնվազի մինչև 425 մլրդ դոլար տարեկան կտրվածքով: Դա 80 մլրդ քիչ է եվրոպական նավթային ներկրումից 2013-ին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |