Թուրք և ադրբեջանցի հաքերները չկարողացան հաջողության հասնել վիրտուալ ճակատում28 ապրիլի 2015 - 13:10 AMT PanARMENIAN.Net - Հայոց ցեղասպանության 100-րդ տարելիցին նվիրված արարողությունների անցկացման օրերին թուրք և ադրբեջանցի հաքերների խմբավորումները բազմաթիվ հարձակումներ են ձեռնարկել վիրտուալ ճակատում: Սակայն նման փորձերի ճնշող մեծամասնությունը ձախողվել է: PanARMENIAN.Net ի հետ զրույցում տեղեկատվական անվտանգության մասնագետ Սամվել Մարտիրոսյանը նշել է, որ հարևանների կողմից հարձակումները բազմաթիվ են եղել, սակայն ապարդյուն: Պատճառն այն է, որ տեղեկատվական դաշտի հայ ակտիվ մասնակիցները սպասում էին, որ ապրիլի 24-ին ընդառաջ և հաջորդ օրերին լուրջ գրոհներ կլինեն և նախապատրաստվել էին: «Հետևաբար հարձակումների մեծ մասն աննկատ մնաց: Օրինակ, թուրքական հաքերների խմբավորումներից մեկը հայտարարեց, որ DDoS հարձակումներ է իրականացրել հայկական պետական կայքերի դեմ: Մասնավորապես, հիշատակվեցին ԱԳ, պաշտպանության, սփյուռքի նախարարությունների կայքերը: Սակայն իրականում այդ կայքերի աշխատանքի տեսանելի խափանումներ չեղան»,-ասել է փորձագետը: Հաքերները նաև փորձել են խափանել Հայոց ցեղասպանության 100-րդ տարելիցի պաշտոնական կայքը: Ինչպես ակնկալվում էր, այն դարձավ նման հարձակումների գլխավոր թիրախը` 24 ժամում անվտանգության համակարգն արձանագրել է ավելի քան 34 միլիոն հարձակում, սակայն կայքի աշխատանքը չի խափանվել: «Ադրբեջանցի հաքերները կարողացան կոտրել միայն մի քանի տասնյակ հայկական կայքեր, որոնց թվում լուրջ հարթակներ չկային: Հարձակում է կատարվել նաև ավելի քան 250 կայքի դեմ, որտեղ Հայոց ցեղասպանությունը ժխտող քարոզչական տեղեկատվություն էր տեղադրվել: Սակայն այդ կայքերը «հայկական ծագում չունեն»,-ասել է Մարտիրոսյանը: Միևնույն ժամանակ հայ հաքերներին հաջողվել է կոտրել ավելի քան 1000 թուրքական կայք, ինչպես նաև որոշ քանակի կայքեր Ադրբեջանում, որտեղ զետեղվել է Հայոց ցեղասպանության մասին պատմող տեղեկատվություն: DDoS հարձակման է ենթարկվել թուրքական տեսակետի քարոզչությամբ զբաղվող մոտ 10 կայք: «Հարձակումների արդյունքում այդ հարթակների աշխատանքը խափանվել էր ապրիլի 23-24-ին: Ընդհանուր առմամբ թուրքական և ադրբեջանական հաքերային խմբերին չհաջողվեց գոնե մի փոքր շոշափելի արդյունքի հասնել` հատկապես Հայաստանից տեղեկատվական հոսքերի խափանման առումով: Միևնույն ժամանակ անսպասելիորեն ակտիվ եղան հաքերային հայկական խմբավորումները»: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Թուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին» Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը |