Վաղինակ Շուշանյան. Նախագահն իրավասու չէ միանգամից չեղարկել որոշումը, պիտի կասեցնի այն, ինչն արել է28 հունիսի 2015 - 12:57 AMT PanARMENIAN.Net - Հունիսի 28-ին վաղ առավոտից Բաղրամյան պողոտայում, նախագահ Սերժ Սարգսյանի հայտարարությունից հետո, ցուցարարները խմբերի բաժանված քննարկումներ են անում, որպեսզի երեկոյան ժամը 18:00-ին, իրենց ասելով, խելամիտ որոշում կայացնեն: Ըստ «Ոչ թալանին» նախաձեռնության անդամ Վաղինակ Շուշանյանի, նախագահի որոշումն այն չէր, որը պահանջում էին, բայց փողոցային պայքարը շարունակվելու դեպքում կարող է վերջում փակուղի մտնել, գրում է «Առավոտ»-ը։ «Իրավական տեսանկյունից եթե նայենք, ապա նախագահն իրավասու չէ միանգամից չեղարկել, նա պետք է կասեցնի, ինչը որ արել է»,- նշել է նա՝ հավելելով, որ ցուցարարները ցանկացած պահի կարող են հավաքվել ու փակել Բաղրամյանը, բայց կարևոր է, որ քայլերը խելամիտ լինեն: Հունիսի 27-ին տարածած նախագահի հայտարարության համաձայն, մինչև ՀԷՑ-ում իրականացվելիք աուդիտի եզրակացության արդյունքների հրապարակումը Կառավարությունն իր վրա կվերցնի էլեկտրաէներգիայի սակագնի բարձրացման ամբողջ բեռը: Նա ցուցարարներին կոչ էր արել ազատել Բաղրամյան պողոտան, բայց վերջիններս հայտարարել էին, որ շարունակելու են բողոքի ակցիան, քանի որ իրենց պահանջը որոշման չեղարկումն էր։ Վաղինակ Շուշայնանի խոսքով, հայտարարությունը պետք է ընդունել որպես քայլ իշխանության կողմից, որովհետև այլ տարբերակ չկար։ «Վերցնել ու ասել՝ չէ, իրենց համար խայտառակություն կլինի, որովհետև մի 10 օր առաջ ասացին՝ հա, թանկացնում ենք: Սա կարող է լինել 150 դրամի ակցիայի նման՝ կասեցնել, աուդիտ անցկացնել, որը անցկացվում է 2 տարի»,- նշել է երիտասարդը: Ըստ նրա, աուդիտի ընթացքում կփակեն «ծակուծուկերը», սխալներն ու վերջում կհայտարարեն, որ այո, ժողովուրդ ջան դուք իրավացի էիք, սակագինը չի բարձրանում: Վաղինակ Շուշանյանը նաև ասել է, որ սա հաղթանակ չի համարում, եթե սկսվել է պատերազմ, ապա սա ճակատամարտերից մեկն է, որ ժողովուրդը հաղթել է. «Գոնե այդ ժամանակ՝ ճակատամարտից հետո, մարդիկ հետ են քաշվում, հանգստանում, բայց այսքան ժողովրդին չենք կարողանում հատ-հատ բացատրել, որ ոչ թե պետք է կանգնել ու գոռալ՝ առաջ-առաջ, և բարիկադները հրելով հասնենք Բաղրամյան 26, այլ պետք է հանգիստ, թարմ ուղեղով մտածել: Ցանկացած օր կարելի է այստեղ հավաքվել՝ արդեն սովորական բան է դարձել Բաղրամյանը փակել»,- ասել է նա: Նաև հավելել է, որ իրենք կլինեն աուդիտորական խմբի կազմում ու կհանրայնացնեն բացահայտումները: Շուշանյանի խոսքով, անկախ իր սեփական կարծիքից՝ կանգնած է ժողովրդի կողքին ու մեծամասնությունը ինչ որոշի՝ նա նրանց կողքին կկանգնի է, բայց և եթե մեծամասնությունը գնա տուն՝ ինքը ևս գնալու է: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |