«Եղեռն՝ եղեռնից հետո». Մշակութային եղեռնին նվիրված ցուցահանդեսը կցուցադրվի Եվրախորհրդարանում17 հուլիսի 2015 - 17:47 AMT PanARMENIAN.Net - Հուլիսի 17-ին Ճարտարապետների միությունում բացվել է «Եղեռն՝ եղեռնից հետո» խորագրով ցուցահանդեսը։ Երկլեզու (հայերեն, անգլերեն) 32 պաստառ ներկայացնում են Արևմտյան Հայաստանի հուշարձանները, որոնք թուրքական իշխանությունների ոչնչացրել են և շարունակում են ոչնչացնել։ «Եղեռն՝ եղեռնից հետո» խորագրով ցուցահանդեսը կազմակերպել է «Հոգու պարտք» հայրենագիտական հասարակական կազմակերպությունը Հայկական ճարտարապետությունն ուսումնասիրող հիմնադրամի աջակցությամբ: Այն կյանքի է կոչվել ՀՀ նախագահի աշխատակազմի կողմից հատկացվող դրամաշնորի և Հայաստանի երիտասարդական հիմնադրամի հայտարարած մրցույթի շրջանակում։ Ցուցադրության նյութերը տպագրվել են նաև երկլեզու գրքույկում։ Պաստառների էլեկտրոնային տարբերակները տեղադրված են համացանցում, տեղեկացնում են Հայաստանի երիտասարդական հիմնադրամից։ Ճարտարապետների միությունում այն կգործի մեկ ամիս: Ցուցահանդեսը մինչև Երևանում բացվելը ներկայացվել է Ստեփանակերտում, Իջևանում, Վանաձորում։ ՀՀ նախագահի աշխատակազմի կողմից հատկացվող դրամաշնորհների «Ցեղասպանություն» անվանակարգերում իրականացվող ծրագրերի համակարգող Գայանե Մանուկյանը տեղեկացրել է, որ ցուցահանդեսն աշնանը կներկայացվի նաև Բրյուսելում՝ Եվրախորհրդարանում, Հայ Դատի գրասենյակի հետ գործակցաբար, այնուհետև՝ Լիոնում, Ամստերդամում և մի շարք այլ եվրոպական քաղաքներում։ Հայկական ճարտարապետությունն ուսումնասիրող հիմնադրամի ղեկավար Սամվել Կարապետյաննասել է, որ նախաձեռնության նպատակն է ցույց տալ, թե 1915-ից ի վեր ինչ է տեղի ունեցել մեր պատմական հայրենիքում, մշակութային եղեռն, որ մինչև օրս ընթացքի մեջ է:Կարապետյանի խոսքով՝ մի բան պահպանելու համար պետք է դրա գոյության մասին լուր ունենալ։ Հայ ազգի ներկա սերունդները պարտավոր են ճանաչել մեր մշակութային ժառանգությունը։ «Եթե մշակութային ժառանգությանը վտանգ է սպառնացել կամ սպառնում, մեր պարտքն է աշխարհին հնարավորինս իրազեկել դրա մասին։ Այն, ինչ ոչնչացվել է մեր հայրենիքում անցած մեկ դարի ընթացքում, ոչ միայն մեր ցավն է, այլև աշխարհի, քանի որ համաշխարհային մշակութային գանձարանից գանձեր են պակասել»,- ասել է նա: Ցուցահանդեսին ներկայացված պաստառներից մեկում պատկերված է Վանի նահանգում՝ Վանա լճի Լիմ կղզու վրա, գտնվող Սբ Գևորգ վանքը։ Դրա հիմնադրումն ավանդաբար վերագրվում է Գրիգոր Լուսավորչին, սակայն գրավոր առաջին վկայությունը 884-ից է: 1235,1288 և 1301թթ. վանքում ստեղծված ձեռագրերում հիշատակություններ կան տեղում գոյություն ունեցած Սբ Եհնա, Սբ Նշան, Սբ Աստվածածին, Սբ Կարապետ և Սբ Գևորգ եկեղեցիների մասին։ Եկեղեցին հիմնովին վերակառուցվել է 1305-ին: Վանքը պայթեցվել է 1950-1960-ականներին: 2004-ի դրությամբ խիստ քայքայված, սակայն դեռևս կանգուն էր միայն գավիթը։ Մշակութային եղեռն Օսմանյան կայսրությունում հայ բնակչության զանգվածային կոտորածներին ու տեղահանությանը համընթաց երիտթուրքական կառավարությունը կանխամտածված և ծրագրավորված կերպով ձգտել է ոչնչացնել նաև հայկական քաղաքակրթության նյութական վկայությունները: Գիտակցելով եկեղեցու և հավատի դերը հայ ժողովրդի կյանքում` թուրքական կառավարությունը նպատակամղված սպանել է հայ հոգևորականներին, ոչնչացրել եկեղեցիներն ու վանքերը, հազարավոր միջնադարյան ձեռագիր մատյաններ, զավթել եկեղեցական գույքը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ռուբեն Վարդանյանը, ընտանիքի հորդորով, դադարեցրել է հացադուլը Կարճ զրույցում ընտանիքը նրան տեղեկացրել է Ադրբեջանի վրա ամբողջ աշխարհից տարբեր պաշտոնյաների աճող ճնշումների մասին Եվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետ Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը |