Մասնագետներն անխոցելի համակարգչային վիրուս են ստեղծել 4 օգոստոսի 2015 - 16:51 AMT PanARMENIAN.Net - Տեղեկատվական անվտագության մասնագետները համակարգչային վիրուս են ստեղծել, որին տարածվելու համար հարկավոր չէ համացանց կամ միացում լոկալ ցանցին: Այն կարող է վարակել համակարգչի BIOS, UEFI կամ EFI միացած այլ սարքերի ներկառուցված ծրագրային ապահովման միջոցով, այդ պատճառով նույնիսկ օպերացիոն համակարգի վերատեղադրումը վարակված համակարգչում թույլ չի տա վերացնել վիրուսակիր ծրագիրը: Ներկառուցված ծրագրային ապահովման թարմացման միջոցով վիրուսը վերացնելու փորձերը նույնպես ապարդյուն են` վիրուսը կարող է արգելափակել թարմացումը կամ կրկին ինքնագրանցվել սարքի արդեն նորացված ծրագրային ապահովման վրա: Հակավիրուսները նույնպես չեն կարողանում խոչընդոտել վարակին, որը տեղի է ունենում համակարգիչը միացնելիս: Խոցելիությունը ցուցադրելու նպատակով տեղեկատվական անվտանգության մասնագետները ստեղծել են ցուցադրական Thunderstrike 2 վիրուսը, որը տարածվում է Thunderbolt ինտերֆեյսի համար նախատեսված Ethernet-ադապետրի միջոցով: Ինչպես բացատրում են ծրագրավորողները, նրանք ընտրել են ցուցադրման համար MacBook-ը, քանի որ օգտատերերի շրջանում տարածված է այն կարծիքը, որ Apple համակարգիչների համար վիրուսով վարակվելու վտանգ չկա: Ավելի վաղ հետազոտողները խոցելի պահեր էին հայտնաբերել Dell, HP, Lenovo և Samsung-ի ներկառուցված ԾԱ մեջ: Իրականում խոցելիությունն ընդհանուր է x86 կառուցվածքի բոլոր համակարգիչների համար անկախ օպերացիոն համակարգից, խոցելիության հիմնական պատճառն այն է, որ համակարգիչներ ու այլ սարքեր արտադրողները իրենց սարքերում չեն նախատեսում ծրագրային ապահովման ստուգման մեխանիզմներ: Ինչպես նշում են մասնագետները, մարդիկ ուղղակի չեն մտածում այն մասին, որ դատարկ ֆլեշ հիշողությունը կամ անցման սարքը կարող են վնասակար կոդ կրել: Ըստ Thunderstrike 2 հեղինակների, խոցելիությանը օպերատիվ կերպով արձագանքել են դեռևս միայն Dell-ն ու Lenovo-ն: Մշակողները մանրամասն զեկույց կներկայացնեն խոցելիության մասին տեղեկատվական անվտանգության վերաբերյալ Black Hat կոնֆերանսին, որը կայանալու է օգոստոսի 6-ին: Հղումներ թեմայով. Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը Փաշինյանին քրեական պատասխանատվության ենթարկելու պահանջով հաղորդումը դատախազությունում է Հաղորդումը կազմել են փաստաբան Արա Զոհրաբյանը և պահեստազորի գնդապետ Հայկ Նահապետյանը Փաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամը |