ՀՀ-ԵՄ միջև նոր փաստաթղթի շուրջ բանակցությունները կարող են սկսվել մինչև 2016-ի ավարտը

ՀՀ-ԵՄ միջև նոր փաստաթղթի շուրջ բանակցությունները կարող են սկսվել մինչև 2016-ի ավարտը

PanARMENIAN.Net - Նոյեմբերի 4-ին արտգործնախարար Էդվարդ Նալբանդյանն ընդունել է Եվրոպական Միության արտաքին հարաբերությունների ծառայության Ռուսաստանի, Արևելյան գործընկերության, Կենտրոնական Ասիայի, տարածաշրջանային գործակցության և ԵԱՀԿ հարցերով տնօրեն Գունար Վիգանդին:

Նախարարը կարևորել է Եվրոպական Միության խորհրդի կողմից Հայաստանի հետ հարաբերությունների նոր իրավական հիմքի ձևավորման շուրջ բանակցություններ սկսելու վերաբերյալ Եվրոպական Հանձնաժողովին մանդատի տրամադրումը:

Հոկտեմբերի 13-ին Եվրամիության 28 անդամ պետությունները Լյուքսեմբուրգում մանդատ են տրամադրել Հայաստանի և ԵՄ-ի միջև նոր համաձայնագիր ստորագրելու շուրջ բանակցությունների մեկնարկի համար: Նոր համաձայնագիրը կփոխարինի ներկայումս գործող Հայաստան-ԵՄ Գործընկերության և գործակցության համաձայնագրին:

Նոյեմբերին 4-ին Հայաստանում կանցկացվի Հայաստան-ԵՄ գործակցության կոմիտեի նիստը, իսկ նոյեմբերի 19-20-ին ՀՀ էկոնոմիկայի նախարարի ղեկավարած պատվիրակությունը կմեկնի Բրյուսել, որի ընթացքում նախատեսվում է ստորագրել երկու կարևոր փաստաթուղթ:

Կողմերը հույս են հայտնել, որ Հայաստան-ԵՄ հարաբերությունների նոր իրավական փաստաթղթի մշակման շուրջ բանակցությունների պաշտոնական մեկնարկը կտրվի մինչև տարեվերջ:

Վիգանդը նշել է, որ բանակցությունների նախատեսվող մեկնարկը հնարավորություն է տալիս արդեն իսկ առկա հարուստ հիմքի վրա ձևավորել փոխգործակցության նոր շրջանակ:

Նալբանդյանը վերահաստատել է Հայաստանի հանձնառությունը ավելի զարգացնել և ամրապնդել փոխադարձ հետաքրքրություն ներկայացնող բոլոր ոլորտներում համապարփակ գործակցությունը:

Զրուցակիցները մտքեր փոխանակեցին տարածաշրջանային զարգացումների, միջազգային օրակարգի հրատապ հարցերի շուրջ:

Նոյեմբերի 4-ին Հայաստան-ԵՄ գործակցության կոմիտեի 16-րդ նիստի շրջանակում լրագրողներին ասել է Եվրոպական արտաքին գործունեության ծառայության, Ռուսաստանի, Արևելյան գործընկերության, Կենտրոնական Ասիայի, տարածաշրջանային գործակցության և ԵԱՀԿ հարցերով տնօրեն Գունար Վիգանդը նշել է, որ Հայաստանի և Եվրոպական միության միջև սպասվող համաձայնագրում հաշվի է առնվելու ՀՀ-ի ԵՏՄ-ին անդամակցությունը:

Հարցին, թե մտահոգություն չկա, որ այս անգամ էլ Ռուսաստանը կմիջամտի նոր համաձայնագրի ստեղծման համար, նա պատասխանել է. «Չեմ սպասում միջամտություն, որովհետև գիտեմ, որ Հայաստանը ԵՏՄ շրջանակում բանակցում է այլ պետությունների հետ: Մենք այնպիսի իրավիճակում չենք, որ մեր առաջ կանգնած է «կա՛մ-կա՛մ»-ընտրությունը»:

«Լայնածավալ պայմանագիր է լինելու, խորացված: Ես չեմ կարծում, որ որևէ փոփոխություն տեղի կունենա արտաքին, ներքին քաղաքականության մեջ, փոխարենը կփոխվի առևտրային քաղաքականությունը՝ հարգելով Հայաստանի անդամակցությունը Եվրասիական տնտեսական միությանը, ինչի արդյունքում հիմա այս ուղղությամբ ենք շարժվելու», - նշել է ԵՄ ներկայացուցիչը:

Կարդացեք նաև՝ ՀՀ-ում ԵՄ պատվիրակության ղեկավար. Երրորդ ուժերը չեն խափանի ՀՀ-ԵՄ նոր բանակցությունները

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---