Թուրքիան ռազմական աջակցություն կցուցաբերի Ադրբեջանին29 հունվարի 2016 - 14:16 AMT PanARMENIAN.Net - Թուրքիան շահագրգռված է, որ ղարաբաղյան հակամարտությունը կարգավորվի, քանի որ դա է Ադրբեջանի ցանկությունը: Այդ մասին հայտարարել է Ադրբեջանում Թուրքիայի դեսպան Իսմաիլ Ալպեր Ջոշկունը: Դեսպանը հայտարարել է, որ Թուրքիան պատրաստ է սատարել Ադրբեջանին ցանկացած ոլորտում: «Ադրբեջանն ի զորու է ամրապնդել պաշտպանության ոլորտը, և մենք կսատարենք նրան դրանում»,-ասել է թուրք դեսպանը: Դեսպանն ասել է նաև, որ «քանի դեռ չի վերականգնվել Ադրբեջանի տարածքային ամբողջականությունը, չի գերիշխել միջազգային իրավունքը, ինչպես դա ցանկանում է Ադրբեջանը, իրավիճակը տարածաշրջանում չի կայունանա»: Ըստ դիվանագետի, պետք է ուշադիր և զգուշավոր լինել այն ուժերի հանդեպ, որոնք «կարող են վնասել երկու երկրների կապերին»: Անդրադառնալով այն հանգամանքին, որ ԵԽԽՎ-ում Ադրբեջանի ներկայացրած բանաձևերի քվեարկության ժամանակ որոշ թուրք պատգամավորներ չեն մասնակցել քվեարկությանը` դիվանագետն ասել է, որ չի ցանկանում մեկնաբանել պատգամավորների արարքները: 2015-ի դեկտեմբերի 22-ին կայացավ Ադրբեջանի նախագահ Իլհամ Ալիևի և Թուրքիայի խորհրդարանի նախագահ Իսմայիլ Ղահրամանի հանդիպումը: Կողմերը կարծիքներ են փոխանակել Լեռնային Ղարաբաղի հակամարտության թեմայով: Հանդիպումից մանրամասներ հայտնի չեն, սակայն ըստ աղբյուրւ, քննարկվել է Թուրքիայի կողմից Ադրբեջանին ռազմական օգնության հարցը: Հայտնի է նաև, որ Թուրքիան, Վրաստանը և Ադրբեջանը մտադիր են համագործակցել ռզամական ոլորտում: Ադրբեջանի ՊՆ ղեկավար Զաքիր Հասանովն ասել է, որ «ուժեղ լինելու համար նրանք պետք է որոշ նախագծեր իրագործեն տարածաշրջանում, իսկ կայացված կարևոր որոշումները կնպաստեն երկրների զինված ուժերի ամրապնդմանը»: Նա հավելել է նաև, որ Ադրբեջանը կօգտվի Թուրքիայի և Վրաստանի փորձից նաև ՆԱՏՕ-ի ծրագրերի շրջանակում: Photo. RIA.ru Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել |