Նոր iPhone 7 Plus-ը բացառիկ երկկողմանի տեսախցիկ կունենա

28 հունիսի 2016 - 11:16 AMT

PanARMENIAN.Net - 2016-ին Apple ընկերությունը մտադիր է թարմացնել իր սմարթֆոնների շարքը iPhone 7-ի երեք մոդելով: Մոդելներից յուրաքանչյուրը գործառույթների որոշակի հավաքածու կունենա, իսկ արտաքին տեսքն արդեն գաղտնիք չէ: Տեղեկությունների արտահոսքը վերաբերում է iPhone 7 և iPhone 7 Plus-ին: Համացանցում հայտնվել են լուսանկարներ, որոնք ցուցադրում են այդ մոդելների առջևի, ստորին ու վերին մասերը: Ավելի ճիշտ, դրանց կորպուսների, առանց ներքին մասերի:

Արտահոսքը կապում են սմարթֆոնների համար պատյաններ արտադրողների հետ, ուստի տեղեկությունների հավաստիության աստիճանը բավականին բարձր է, գրում է VistaNews-ը:

Դատելով լրտեսական լուսանկարներից`iPhone 7 Plus-ը կունենա բացառիկ երկկողմանի տեսախցիկ: Իսկ iPhone 7-ի սովորական տարբերակն ավելի լավը կլինի, քան iPhone 6s-ը: iPhone 7 ստորին մասում բացակայում է 3,5 մմ աուդիոմիացման տեղը: Փորձագետները դա վաղուց էին ենթադրում: Կարծիք կար, որ այդ տեղում ևս մեկ դինամիկ կլինի: Համապատասխանաբար, վերարտադրման ձայնն ավելի բարձր կլինի:

Ավելի վաղ հայտնի դարձավ, որ Apple սմարթֆոններ մշակողները մտադիր են ներկայացնել iPhone 7-ի կորպուսի նոր գունային լուծումը` Deep Blue (թանձր կապույտ), որը ստանդարտ կդառնա: Միևնույն ժամանակ այլևս չեն լինի գորշ գույնի` Space Gray(մոխրագույն տիեզերք) տարբերակը, որը նախընտրում են տղամարդկանցից շատերը: Պաշտոնական ցուցադրումը սպասվում է 2016-ի սեպտեմբերին:

Հղումներ թեմայով.

Vistanews.ru: В сеть просочились шпионские снимки задней крышки iPhone 7

Engadget. iPhone 7 will get a larger camera, according to spy shot (updated)