Yandex.Taxi-ն Երևանում գործարկման օրը հայկական AppStore-ի ամենապահանջված հավելվածն էր 2 հուլիսի 2016 - 15:13 AMT PanARMENIAN.Net - Հուլիսի 1-ից Երևանում մեկնարկած տաքսի պատվիրելու առցանց Yandex.Taxi ծառայությունն ամենապահանջվածն է եղել AppStore-ում գործարկման օրը: Ինչպես վկայում են AppAnnie տվյալները, Yandex.Taxi-ն գործարկման առաջին օրն առաջ է անցել այնպիսի հայտնի հավելվածներից, ինչպիսիք են Prisma-ն, Facebookը, Instagram-ը և Viber-ը: ggTaxi-ն հուլիսի 1-ի տվյալներով 13-րդն է: Պետք է, սակայն, հաշվի առնել այն փաստը, որ gg-ն վաղուց է գործում շուկայում և հասցրել է մեծաթիվ հաճախորդներ ձեռք բերել: Android-սարքերի մասով արդյունքներն առավել համեստ են` Yandex.Taxi-ն հուլիսի 1-ի տվյալներով 98-րդն է ներբեռնումների քանակով, իսկ ggTaxi-ն` 24-րդը: Ծառայությանը միացել է 250 մեքենա Երևանի 11 տաքսի ծառայությունից: Շտապ կանչերը տրվում են այն վարորդներին, որոնք մոտ են հաճախորդին, ուստի մեքենան արագ է հասնում: Առաջիկայում օգտատերերին խոստանում են բանկային քարտով վճարելու հնարավորություն: Հունիսի կեսին Yandex.Taxi-ի հայտարարությունը հայկական շուկա դուրս գալու մասին դժգոհության ալիք բարձրացրեց ինչպես մյուս ծառայությունների, այնպես էլ տաքսու վարորդների շրջանում: Վերջիններս նույնիսկ բողոքի ակցիաներ կազմակերպեցին` նշելով, որ այդ ծառայությունների ներմուծումը շուկայում անհավասար պայմաններ է ստեծղում արտոնագրման և հարկադրման առումով: ՀՀ տրանսպորտի և կապի նախարար Գագիկ Բեգլարյանն իր հերթին հայտարարեց, որ նման ծառայություններն աշխատելու են պայմանագրային հիմքով միայն լիցենզավորում ունեցող տաքսու վարորդների հետ: Yandex.Taxi ծառայությունը գործարկվել է 2011-ին: Երևանից բացի, այն գործում է ՌԴ 20 քաղաքում և Մինսկում: Նպատակ կա նման ծառայություններ գործարկել նաև Վրաստանում, Ղազախստանում և այլ երկրներում: Ընդհանուր առմամբ Yandex.Taxi-ին միացել է ավելի քան 70.000 ավտոմեքենա մոտ 500 կարգավարական կետից ու տաքսու ծառայությունից: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Լավրով․ ՀՀ–ին բոլորից ձեռնատու է ԵվրԱզԷՍ–ը, հաշված է Նա հավելել է, որ ՀՀ–ն, փոքր երկիր լինելով, շատ ավելի քիչ է տալիս, բայց բոլորին հավասար իրավունքներ ունի CFTJ-ը Ադրբեջանի դեմ Հաագայի դատարան դիմում է ներկայացրել՝ հայերի նկատմամբ ցեղասպան գործողությունների հետ կապված Դիմումը վերաբերում է Ադրբեջանի զինուժի գործողություններին Հհ տարածքում 2021 թվականին Ռուբեն Վարդանյանը 14 օր է` հացադուլ է անում. Պահանջում է բոլոր հայ բանտարկյալների անհապաղ ազատում Նրա ընտանիքը հայտարարել է, որ COP 29-ը չպետք է տեղի ունենա Ադրբեջանում, եթե իրենց պահանջները չկատարվեն ՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնում |