Թուրքիայի կառավարությունը հրապարակել է արտակարգ դրության շրջանակում իրականացվող միջոցառումների ցանկը23 հուլիսի 2016 - 12:08 AMT PanARMENIAN.Net - Հուլիսի 23-ին հրապարակվել է Թուրքիայի կառավարության որոշումն արտակարգ դրության շրջանակում ձեռնարկվող միջոցների մասին: Ըստ որոշման, ձերբակալությունն արտակարգ դրության ընթացքում չի կարող գերազանցել 30 օրը, այդ ժամկետում ներառված չէ մինչև մոտակա դատարանը փոխադրման ժամկետը: Դադարեցվել է առողջապահության ոլորտի 35 օբյեկտի գործունեություն, փակվել է 1043 մասնավոր կրթական հաստատություն, մասնավոր հանրակացարան և պանսիոն, 1229 ընկերակցություններ և հիմնադրամներ, 19 արհմիություն, դաշնություն ու կոնֆեդերացիա, 15 բուհ, որոնք ֆինանսավորվում են հիմնադրամների կողմից: Այն պետծառայողները, որոնք որևէ կապ են ունեցել կամ անդամակցել են ահաբեկչական կազմակերպություններին կամ խմբավորումներին, կզրկվեն աշխատանքից և երբեք չեն ընդունվի պետական ծառայության, հայտնում է ՌԻԱ Նովոստին: Թուրքիայի նախագահ Ռեջեփ Թայիփ Էրդողանն արտակարգ դրություն է հայտարարել երկրում, կապված պետական հեղաշրջման փորձի հետ` «առավել արդյունավետ ու արագ քայլեր ձեռնարկելու համար քաղաքացիների իրավունքներն ու ազատությունները ապահովելու ուղղությամբ»: Հուլիսի լույս 16-ի գիշերը հայտնի դարձավ Թուրքիայում պետական հեղաշրջման փորձի մասին: Անկարայում և Ստամբուլում ավիացիայի ու տանկերի կիրառմամբ բախումներ են տեղի ունեցել: Թուրք զինվորականների խումբը հայտարարել է երկրում ռազմական հեղաշրջման, Էրդողանին իշխանությունից հեռացնելու մասին, սակայն ապստամբ զինվորականների գործողությունները ձախողվել են:Բախումներում զոհվել է 164 կառավարության աջակից, Reuters հաղորդմամբ, հայտարարել է Թուրքիայի վարչապետ Բինալի Յըլդըրըմը: Ընդհանուր զոհերի թիվը հասել է 265-ի: Թուրքիայի կառավարությունը կքննարկի երկրում մահապատժի վերականգնումը: Ընթերցեք նաև. Էրդողան. Զոհվել է 246 մարդ, չհաշված հեղաշրջման մասնակիցներին Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Փոխվարչապետը շեշտել է ՎԶԵԲ-ի դերը ԵՄ տնտեսական և ներդրումային պլանի իրականացման գործընթացում Գրիգորյանը նշել է, որ ՎԶԵԲ-ը Հայաստանի համար առանցքային գործընկեր է Շոլց․ ՀՀ և Ադրբեջանի միջև կարգավորման շանսերը բարձր են ավելի, քան երբևէ Նա նշել է, որ հակամարտությունը պետք է կարգավորվի խաղաղ ճանապարհով Առաջարկ. Մեքենայի գույքահարկը տեխզննման պահին վճարել մասնակի Օրենքն ուժի մեջ կմտնի 2025 թվականի հունվարի 1-ից Պետել․ ԼՂ–ում հայկական ներկայության բոլոր հետքերը ջնջելն Ալիևի վարչակարգի նախագիծն է «Ադրբեջանցիներն այժմ գրոհում են կառավարության շենքը»,- գրել է նա |